_banat
^

Paminaw imong kaugalingon

(Banat) - May 21, 2021 - 12:00am

Dear Tito Miguel,

Ako diay si RJ, upat ka tuig na ang among relasyon ni Clarise. Duna mi eight months old nga anak. Ang problema nako kay ang batasan ni Clarise nga puwerting batia hinungdan nga nahupas na akong gugma kaniya. Nag-antos lang ko og uban niya tungod sa among anak, unsa man ang angayan nakong buhaton, Tito Miguel? Gikapoy na gyud ko. Salamat daan sa imong tambag. —RJ

RJ,

Kun di na ka malipayon sa inyong relasyon, ipagawas ang imong tinuod nga gibati aron ka makalingkawas. Mura’g dili mo kasado, busa dili kaayo lisod pag-abli sa kandado. Sultihi nga imong gugma kaniadto nahanaw na. Mangutana gyud na ngano, sultihi sa tinuod. Matud nimo tungod sa iyang batasan. Lagmit mao nay bug-at nga rason, apan paminawa imong kaugalingon, basin imong gibati dili ing ana ka lig-on kay ngano nahugno man dayon. Pero husto sab ka. Nag-agwanta ka sa dugay nga panahon, apan daw nalaya nga dahon tungod sa iyang batasan nga di makaon.

Dunay purohan mopasalig iyang usbon aron masalbar inyong relasyon. Apan kun ang pagbati nihupas na, uwahi na iyang pagbag-o. Ikaw ang bugtong makatubag kun imong pagbati puwede pa mabalik usab. Kun pananglit mopitik, ayaw pugngi kay basin sa ikaduhang higayon kamo magmalamposon. Pero kun wa nay purohan, ayaw pugsa. Ang problema kay maglisod ka’g biya tungod sa bata. Pait, ang inosente mapagan sa sitwasyon sa mga ginikanan. Pero kun ang bata magdako ninyo duha apan way makitang gugma ug respeto sa usa’g-usa, ma’s maayo pa usa ra iyang makita apan malinawon.

Tutal, dunay paagi unsaon pagbahin sa inyong panahon. Sal-ang sal-angon. Apan timan-i, sa balaod kun ang bata ubos sa siete anyos, ngadto sa inahan ang kustodiya, gawas kun siya dili angayan, drug addict ba kaha o buang. Apan mahimo ra ka mobisita o mohuwam sa bata. Lisod nga sitwasyon, apan mas pait ang mapreso sa way gugma nga relasyon.  —Tito Miguel

Magpatambag ka? Ipada kang Tito Miguel: 0998-581-5856

PROBLEM
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with