_banat
^

Sayop Ka!

(Banat) - April 23, 2021 - 12:00am

Dear Tito Miguel

Ako diay si Mabel, taga Leyte. Nagkabalik mi sa akong ex-boyfriend tungod sa chat-chat. Naa na siya'y kapuyo pero dili sila kasado. Unsay angay nakong buhaton nga love man  nako siya?  —Mabel

Mabel,

Pait, kay love nimo siya pero dili ka love niya. Kay ngano gihimo ra man ka nga ikaduha? Dili igong rason nga tungod kay di pa sila kasado, mahimo na ka mangilog sa dili na imo. Human na man unta mo, nakakita na siya’g lain, nakig-ipon na, kasal na lang ang kulang.

Unsa may iyang pasalig sa chat nga nalanay man ka’g usab? Lagmit nisaad biyaan iyang kapuyo alang kanimo. Kun nipasalig apan walay petsa, dili na mahitabo, mamuti na lang imong mga mata. Kun nipasalig sa takna, mahimo nimo suwayan apan dili na moabot, daghan na’g rason ug katarungan. Unya na kay apiki pa, unya na kay mabdos raba, dili mahurot ang rason kay ang tinuod dili siya kabiya.

Kun pananglit mosulti nga siya nibiya na, dakong purohan wala na buhata, igo ra ka gibuta, magpabilin nga kamong duha. Ibutang ta tinuod gyud nga nibiya, makaako ka nga duna moy napasakitan nga lain? Timan-i, nag-ipon na sila, buot pasabot duna na sila’y mga plano para sa ilang ugma. Ang iyang kapuyo nisalig na’g nagdahom nga sila magmugna sa ilang kaugmaon. Unya ang tanan imo lang gub-on.

Sa tanang anggulo, sayop ang imong gisudla’g balik. Posible gimingaw o masulob-on lang ka, busa nanaginot bahala’g ikaw ikaduha. Posible sab nahigugma gyud ka, apan ikaw gihigugma ba? Hinumdomi unsay rason nagbuwag mo sa una kay lagmit magtuyok tuyok ra imong problema.  Tito Miguel

 Magpatambag ka? Ipada kang Tito Miguel: 0998-581-5856

BOYFRIEND
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with