^

Palahubog ang kapuyo

(Banat) - April 16, 2021 - 12:00am

Dear Tito Miguel,

Ako si Angeline,24 anyos from Bogo. Aduna koy dakong problema sa akong kalive- in, Tito Miguel, kay sobra ra siya ka palainom. Human sa trabaho mag- inom usa mopauli sa balay--pirme nalang mahubog labi na og ting sweldo.Dugay mopauli. Na konsimisyon na kaayo ko, Tito Miguel.Unsay akong angay buhaton? —Angeline

Angeline,

Kun siya mismo ganahan mohunong apan di kapugong sa pag-inom, lagmit nahimo na siya nga alcoholic. Kun mao, kinahanglan na siya’g propesyonal nga tabang, therapy aron siya maulian.

Apan kun tungod kay ganahan ug malingaw lang gyud siya, ayaw pugsa nga undangon sa hingpit, hinay-hinaya’g hangyo nga limitahan ka usa kada semana, inig ka Biyernes o Sabado isip ganti sa tibuok semana nga kumbati. Kun siya ra sige’g gasto, angay nimo kuhaon ang bulto sa iyang suweldo aron di magpalabi sa iyang bisyo. Kun silang manag-amigo magtampo-tampo, hatagi lang siya’g insakto, ngil-ad sad sige ra siya’g tagay di gyud mobigay. Kupti ang ATM aron dili sige’g dimdim.

Angay sad ka motan-aw sa imong kaugalingon ug inyong panimalay, kinahanglan momugna ka’g palibot nga kaniya makadani pag-uli’g sayo. Kay usahay ang bisyo paagi paglingkawas sa kalbaryo. Suwayi nga ang iyang lingaw sa grupo makita sab niya nimo. Agniha nga kun sa inom di siya kapugong, motugot ka apan diha ra sa inyong balay ang tagay. Luwas iyang lawas, delikado mahubog sa gawas.

Apan kun sa imong pagsabot ug pagsakay sa iyang gusto, kada uli manimaho gihapo’g bino kay iyang lingaw tua sa iyang grupo, angay na ka magduha-duha kun kamo mopadayon pa. Kun sa uban iyang lingaw, mura ra ka’g langaw. Tutal dili pa mo kasado, mahimo pa ka moatras sa tawong bisyoso. Kay kun dili siya maminaw nimo nga nag-ipon ra mo, samot na mabungol inig ka higot ninyo. —Tito Miguel

Magpatambag ka? Ipada kang Tito Miguel: 0998-581-5856

TITO MIGUEL
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with