^

Dili tugtan maglive-in

(Banat) - February 19, 2021 - 12:00am

Dear Tito Miguel,

Ako diay si Karyll, 24 years old  naa nakoy boyfriend, si Johnny, ka-edad ra pud mi. Naa nami two years old nga anak. Bisan sakto na among edad, dili mi tugtan sa among parents nga mag-ipon og puyo. Unsa ang anong buhaton para makumbinser among parents nga mag-ipon nami? Salamat Tito Miguel. —Karyll

Karyll,

Wala ka maghisgot ngano sila nagdumili nga kamo mag-ipon. Depende sa ila rason sa pagbalibad kun unsaon sila’g kumbinsi. Upat akong nakita nga mga rason. Una, lagmit kay nahadlok sila mapun-an inyong anak. Apan nakahimo man gani mo’g usa sa una nga wa man sad mo mag-ipon. Kun hasta kamo dili pa andam sa ikaduhang anak, ipasalig nga dili ninyo dugangan. Daghay pamaagi, dunay pipila nga gitugtan sa gobyerno. Kun kamo Katoliko, dunay bugtong pamaagi nga gitugtan sa simbahan, ang rhythm method.

Ikaduha, tingali nahadlok sila nga wala pa moy igong katakus. Duna na ba moy trabaho o panginabuhian? Ipakita nga kaya na ninyo mobarug para sa inyong kaugalingon. Ikatulo, basin supak sa inyong simbahan ang mag-ipon nga dili kasado. Di na ko katubag kay ang tanan depende sa inyong pagtuo. Apan sa mata sa balaod, naa na mo sa hustong edad mo desisyon para sa inyong kaugalingon.

Ikaupat, basin pikas-pikas wala kauyon nga kamo magdayon? Unsa man sad kahay rason? Apan ang tanan mobalik gihapon nga kamo ray bugtong makadesisyon. Kun kamo tiunay nga nagminahalay, ipakita kanila nga inyong gugma maoy moreporma sa mga kahiwian nga nakita nila. Apan una sa tanan buhata kini para ninyong duha, ikaduha na sila.

Agi’g respeto, paminawa gihapon sila, ipasalig nga kamo maninguha nga dili mahitabo ilang gikahadlokan. Karon kun desidido na mo mag-ipon, walay makapugong. Gani, angay mo dayegon kay lahi mo sa uban nga tiguwang na, sa ginikanan niipon lang gihapon.  Tito Miguel

Magpatambag ka? Ipada kang Tito Miguel: 0998-581-5856

BOYFRIEND
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with