^

Gipasagop ang anak

(Banat) - February 12, 2021 - 12:00am

Dear Tito Miguel,

Tawga lang ko og Mila, 48 anyos ug may duha ka mga anak ug walay bana. Akong anak nga laki tua sa Leyte, akong gipasagop sa akong iyaan. Kahibawo siya nga akoy iyang tinuod nga mama, dako naman siya, 20 anyos na. Ganahan unta ko nga maghiusa nami tanan, gimingaw kaayo ko sa akong anak ug nagbasul ko nganong ako siyang gibilin sa akong iyaan.

Pero layo kaayo og pagbati ang bata nako kay dili man akoy nagpadako niya. Unsay angayan nakong buhaton, Tito? —Mila

Mila,

Ayaw pugsa imong anak nga moduol kanimo isip iyang inahan. Natural nga layo iyang buot nimo kay dili man ikaw iyang namat-an nga ginikanan. Hinay-hinaya ang pagparamdam nga naa ra ka kanunay para niya. Dili kinahanglan magkuyog mo’g usa ka panimalay.

Komustaha siya mata’g semana labi na karon nga pandemya, ayaw adlaw-adlawa kay lagmit dili siya kumportable. Kon dili motubag padayon lang gihapon sa pangomusta. Kon motubag mas maayo, ibalita pud niya iyang igsuon nga naa kanimo, agniha pud siya’g apil pangumusta.

Pangayo’g pasaylo ngano nabuhat nimo ang pagpasagop niya sa imong iyaan. Lagmit tungod sa kalisod, apan para niya dili kini igo nga katarungan. Kon tubagon ka’g boyboyon dawata ang tanan pangayo gihapo’g pasaylo. Gani, mas maayo imo pangutan-on unsa imong angay himuon aron ikaw pasayloon. Lagmit para niya di na kinahanglan kay para unsa pa man, nidako na siya nga wala ka sa iyang kiliran.

Padalhi sa iyang mga panginahanglanon. Buhata ang tanan nga wa nimo mahimo kaniadto. Apan lagmit para niya kini walay balor kay ikaw estranghero. Agwantaha lang, basta makita niya imong paninguha nga mapaduol niya hangtod mohumok. Kun dili, ayaw pangluod, wa kay katungod. Anugon, apan dawata kay sa iyang edad karon, kanimo malutas lang gihapon.

Tito Miguel

Magpatambag ka? Ipada kang Tito Miguel: 0998-581-5856

TITO MIGUEL
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with