^

Gikalimtan na best friend!

(Banat) - January 8, 2021 - 12:00am

Dear Tito Miguel,

Maayong adlaw diha kanimo! Gimingaw nako sa akong best friend. Wala na siya'y time nako sukad siya naka-uyab. Sige siya'g ingon nga busy siya, unya to makit-an na lang nako sa Facebook nga nagkuyog ra diay sa iyang uyab. Maglagot ko. Suod man unta mi kaayo sa una, pero karon mura'g nalimot na siya nako. Nagselos ko's iyang uyab. —Jessa

Jessa,

Ang imong gibati natural lamang kay una man mo nagka-amiga kay sa pag-uyab nila. Prior claim. Pareha ra gud na sa gibati sa inahan nga maoy naghimugso ug nagpadako sa iyang anak, unya kalit lang nahanaw sa iyang kiliran ug panan-aw kay nanguyab, nagminyo o di ba kaha nakigtaban.

Apan angay nimo hataga’g higayon ang imong best friend nga makatagamtam sa dugay na niyang gihinam-hinam. Pasagdi lang sa, ing ana man gyud nang bag-o pa ang relasyon, maski kadiyot ra malayo sa usa’g-usa mingawon lang dayon. Pero inig away nila labi na’g tungod sa pangilad o pagbudhi, kanimo mosangpit ra gihapon. Dili kay ikaw iya ra gamiton sa problemadong panahon, apan kay ikaw iyang higala nga madangpan kun unsa man iyang gidangatan. Mao nay esensya sa panaghigala. Dili sukdon sa kataas sa panahon, kun dili sa presensiya ini’g dag-om. Gani, hasta ikaw lagmit ing ana sad kun maka-uyab. Imo sad siya labyan labyan, apan kun duna’y problema ngadto ka niya modagan. Ang ngil-ad kay kun kahibawo siya naa kay dakong suliran unya kanimo dili mangumusta o magparamdam. Diha ka mangutana’g tiunay pa ba siya nga higala. Duna’y kalahian ang best friend sa true friend.

Apan kun ikaw gimingaw lamang sa inyo’ng bonding, daghan pa man ka’g higala nga lain. Higayon na karon nga magsugod ka’g amuma sa uban nimo’ng mga higala. Inay nga mangluod ka sa imo’g best friend, pun-i siya’g daghan pa aron modako ang purohan makakaplag ka’g true friend. —Tito Miguel

Naa kay suliran? Atong palamdagan ni Tito Miguel. Ipadala sa 09985815856

TITO MIGUEL
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with