^

Makalagot nga silingan

(Banat) - December 21, 2020 - 12:00am

Dear Tito Miguel,

Good day! Among silingan makalagot kaayo. Magpaluoy-luoy kay wa kunoy kwarta nya pag-abot sa senior citizen's allowance sa iyang mama kay nag-shopping og way hinungdan.

Akong kapungtan kay kun wana silay kwarta na pud, ngari magpakitabang sa amoa nya akong mama pud dili gyud mobalibad bisa'g igo-igo ra pud among kwarta. Maglagot gyud ko!

Trish

* * *

Trish,

Ang imo’ng suliran gisinati sa kasagaran, kun dili sa tanan. Kultura nato’ng mga Pilipino nga inay ipalambo ang gamay’ng kuwarta, igasto sa wa’y hinungdan aron ingnon adunahan. Busa dili unta kunsintihon sa imo’ng mama. Apan hasta siya nahigot sa pamatasan nato nga maikogon, busa maglisod siya’g balibad maski siya mismo sa iya’ng problema nangita’g sulbad. Ingna imo inahan nga sa pagtabang wala’y daotan. Apan angay niya limitahan kay klaro nga siya giabusohan. Diha lang siya magpahuwam kun nibayad na sa karaang utang ug duna mo’y sobra ipahuwam. Apan timan-i, ang kasagaran huwam pangayo. Busa lagmit nagpatong patong na ang gihuwam sa inyo’ng silingan.

Simple ra unta ang tanan, kun imo’ng inahan mobalibad lang. Kun dili siya kaako, ikaw barug para ninyo. Inig sangpit sa inyo silingan sa imo’ng inahan, ikaw na ang mangayo’g pasaylo nga wala mo’y ikapabaylo. Dili kinahanglan mosulti ngano, kay lahi sad ni nga sakit nato’ng mga Pilipino. Kinahanglan ta mohatag sa rason sa mga tawo nga wa ta’y obligasyon. Maikogon lagi, busa magbuhat buhat ta’g rason aron dili ta makunsensiya. Apan pinaagi sa pamakak.

Pareha ra na sa imbitasyon nga di nato gusto adtuon. Mamakak na lang ta aron naa’y ika rason ngano di ta kaadto nga puede ra man unta mobalibad dayon. Tinuod, lisod usbon ang naandan apan kun di ta mobalibad ang abuso wala’y utlanan. Balibad lang, apan sa pulong nga matarong.

Tito Miguel

Magpatambag ka? I-text sa : 09985815856

TITO MIGUEL
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with