Gipamabdosan ug gibiyaan...

(Banat) - November 27, 2020 - 12:00am

Dear Tito Miguel,

Good day, Tito! Tawga lang ko og Miss Confuse, 17 years old, taga Mandaue. Wala na koy papa, akong mama OFW. Akong lola nag-atiman nako sukad pagkabata. Naa na koy uyab, 19 years old siya. Ug mao ni akong problema karon. Mabdos ko, Tito Miguel. Dili na nako makontak akong uyab. Last namong istorya last month, wa kuno siya'y ikatabang nako. Naglibog ko unsay angay nakong buhaton. Mahadlok ko mosulti sa akong mama. Wala pa kahibawo akong lola. Nakahunahuna ko nga dili na lang ipadayon ang akong gisabak. —Miss Confused

Miss Confused,

Minilyon ka babaye ang nangandoy mohimugso apan pakyas. Wa ka kahibawo, basin karon ra ang bugtong higayon nimo nga mamahimong inahan. Kun imo nang ipatangtang, dako nimong basulanan kun ang higayon dili na mobalik sa umaabot nga ikaw andam na.

Inay nga mahadlok ka unsay reaksyon sa imong inahan, kalisang sa risgo sa pagpatangtang. Gawas nga imong ipapatay ang bata, imong kinabuhi mismo makumpromiso. Tinuod lisod ang pagpadako sa bata apan way sukod ang kalipay nga dalhon niini sulod sa inyong balay. Wa ka maghinamhinam unsa kahay hitsura sa imong liwat?

Ang problema unsaon nimo’g sulti sa imong inahan ug lola. Unaha ang pangayo’g pasaylo nga ikaw nakabuhat sa dili insakto. Angkona ang imong sala, ayaw basola ang lain, apil ang amahan sa bata nga wa na magpakita. Sultihi sila nga andam ka modawat sa ilang silot.  Lagmit imong lola ug inahan masagmuyo, masuko o dili ba kaha ikaw isalikway. Apan dili moabot sa punto nga ikaw ipapatay. Busa wala kay angay kahadlokan. Ang kasaba ug kalagot taman ra na sa pulong, apan dunay nagpahipi nga kalipay ug paghinamhinam nga sa inyong balay dunay umaabot nga gamay.  —Tito Miguel

* * *

Suliran nga patambagan? I-text sa 0933-623-8261. Ayaw lang nang problema sa kuwarta. Atangi ang tambag ni Tito Miguel matag Lunes ug Biyernes dinhi lang sa inyong paborito nga Banat News.

TITO MIGUEL
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with