^

Perteng gugmaha!

(Banat) - October 30, 2020 - 12:00am

Dear Tito Miguel,

Maayong adlaw! Marupok gyud ko. Kapila na nako nasakpan akong uyab nga naay ka iring-iring, ako lang gihapong pasayluon. Unsaon man, love man kaayo nako siya gud.  Karon nakapabuntis siya, napungot kaayo ko, pero naulian ra pud. Suportahan lang kuno niya ang bata pero akoy iyang pilion. Husto pa ni? Naunsa man ko, dali ra gyud kaayo ko mada sa akong uyab? Please help me. —Cheryl

Cheryl,

Kun unsa imong gitugtan, magpadayon. Kay pasayloon ra man nimo siya maski mag iring-iring, niabot sa punto nga nakapamabdos sa laing babaye. Karon kay naulian na man sad ka lagmit mag-ipon sila o di ba kaha magpakasal samtang magpabilin ka sa iyang kiliran. Kay nakasala man nimo imong uyab, natural ulo-ulohan ka’g pasalig nga ikaw iyang pilion ug igo ra niya suportahan ang bata. Kaha?

Kay dawaton man nimo tanang abuso pamakak ug pagbudhi, ayaw katingala nga moabot sa punto nga ikaw, siya, ug iyang napamabdosan magpuyo sa usa ka balay. Tingali makatawa ka’g makaingon subra ra pud na. Panid-i imong kaugalingon, daghan na’g kalapasan nga imong gipasaylo, nga unta dugay na ka niulbo dayo’g palayo. Apan nagpabilin ka, walay sukdanan imong gugma niya.

Tingali gugma imong gibati, pero lagmit naglabaw imong kahadlok nga mag-inusara. Busa bahala’g unsay buhaton niya, imong dawaton basta di lang siya mobiya nimo. Ubos ra kaayo ka’g panan-aw sa imong kaugalingon. Ngano respetaran man ka sa imong uyab nga hasta ikaw mismo wala morespeto kanimo? Ang tinuod nga gugma mopatim-aw sa kaayo ninyong duha, dili kay mokunsinti sa mga kahiwian ug kalapasan sa usa labi na sa hisgotanan sa pagbudhi. Ang pagkamatinud-anon sa relasyon makapalig-on. Kun iyang binuhatan napuno sa pamakak, pangilad ug pagbudhi, inyong relasyon naa ra sa imong imahinasyon.    —Tito Miguel

TITO MIGUEL
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with