Tito Miguel
(Banat) - October 9, 2020 - 12:00am

Na retrench ko sa trabaho. Pero naa koy gamay'ng natigom. Ganahan unta ko magnegosyo. But naglibog ko unsa akong sudlan nga negosyo kay mora'g naa naman tanan. Unsa kahay maayo, Tito Miguel? Jimwell

Jimwell,

Identify a need and fill it. Kini ang ginikanan sa ideya unsa’y maayo nga negosyo. Dili man ko negosyante, hatagan tika’g perspective sa mga konsumidor nga tungod kay gikwarantina, nangita’g pagkaon ug tubig nga ihatod sa ila’ng tugkaran. Matubag ni nimo pinaagi sa food-to-deliver business o dili ba kaha water refilling station.

Gipangita ang packed lunch sa mga opisina kay hadlok na sila mogawas pa. Uso sab karon ang online selling kay ang mga tawo di na moadto sa tindahan. Kun kuyawan ka sa pagkaon kay perishable, suwayi ang dugay mapan-os, kinaham nato ang buwad. Kun gusto ka’g di madaot, kusog karon ang bisikleta.   

Ang negosyo nga sudlan depende sab sa imo’ng capital. Wa ka maghisgot pila imo’ng gamay natigom, kay basin ang para nimo gamay, igo na diay sa dinagko’ng negosyo. Kun dili ka tanto’ng negosyante, mas maayo unta magtukod og espasyo para paabangan, dili kaayo demanding sa oras ug diskarte, igo ra ka magpaabot sa due date. Di pa labad sa ulo, gawas kun delinkwente.

Sa imo’ng paghisgot nga mora’g naa na man tanan negosyo, imo dayon gilimitahan ang mga posibilidad wa pa gani ka manukad. Usba kini nga mindset. Kun moingon ka daghan na ang food delivery, pila ka buok imo pasabot, lima hangtod napulo sa imo’ng nahibaw-an? Minilyon ang populasyon nato, bisan duna’y kumpetensiya, duna gihapon purohan molambo. Kinahanglan mopili ka’g negosyo nga malingaw ka kay imo’ng gusto, gawas kun igo ra ka mobundak og capital unya mokuha’g modumala. Good luck. —Tito Miguel

TITO MIGUEL
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with