Tito Miguel
(Banat) - September 28, 2020 - 12:00am

Maayo'ng adlaw kanimo! Tawga lang ko og Besh, 21 years old, ug nainlab sa akong childhood friend nga si Nikkybert. Ang problema, kay na crush siya sa iyang officemate. Ganahan kaayo ko sa akong childhood friend. Gusto gyud ko magkarelasyon mi labaw pa sa friends. Dili ba lain nga akoy manguyab niya nga ako may girl? Help!

Besh

* * *

Besh,

Depende kun kinsa’y nagtan-aw. Ang mga konserbatibo makugang nga ang babaye manguyab sa lalaki. Apan sa panahon karon, abli na ang katilingban sa mga kausaban sa pamaagi sa relasyon. Gani, hinay hinay na nga gidawat ang same-sex union.

Dili sayop kun ang babaye manguyab sa lalaki, iya’ng katungod mamili sa iyang gusto makauban sa kinabuhi. Kun ang babaye magpaabot ra kinsa’y moduol niya, wala siya’y hingpit nga kagawasan sa pagpili. Kun tanan moduol kanimo wala ka’y nauyonan, mapugos na lang ka’g pili kinsa’y pinakamaayo sa dili nimo gusto, tungod lang kay nagpahigot ka sa naandan. Ikaw ra’y bugtong makahukom kinsa’y imong makauban hangtod sa kataposan.

Apan ang importante unsa’y reaksyon sa imo’ng childhood friend kun manguyab ka niya. Kun siya konserbatibo, lagmit ma-iskandalo ug kanimo mopalayo. Kun siya abli mosimang sa naandan, duna ka’y purohan.

Ayaw usa panguyab, apan mahimo ka’ng mopadayag. Duna’y kalahian ang duha. Ang panguyab molangkob sa pulong ug buhat. Ang pagpadayag taman ra sa pulong, wa na ka’y laing buhaton.

Kun di ka makaderetso niya’g ingon, suwayi nga kunohay giputol nimo inyo’ng koneksyon. Kun di mangita nimo, buot pasabot wala ka’y paglaom. Wa man gani mangita nimo isip higala, samot na sa hisgotanan sa gugma.

Kun mangutana asa ug na unsa ka, ingna dayon nga nagduha duha ka kun angay pa ba nga kamo managhigala, kay imo’ng gibati kaniya nilabang na ngadto sa gugma’ng romantiko. Ang iya’ng reaksyon maoy himoa nga basehan kun unsa’y sunod nimo nga lakang.

Tito Miguel

TITO MIGUEL
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with