Tito Miguel
(Banat) - September 25, 2020 - 12:00am

Tuig na hapit sukad nagbungol mi sa akong Ate. Abroad siya ug akoy nag-atiman sa among ginikanan diri gamit iyang pinada. Na-liquidate man nako pero daghan na kaayo siyang gibuhian mga sakit nga pulong maong nakigbungol ko.

Pero seen zone ug ignore calls raman iyang reply nako. Ako pay gipasakitan niya’g istorya, ako nay nagpaubos, ignore gihapon. Unsay angayan nakong buhaton aron ma ok mi again?

Muriel

* * *

Muriel,

Kasagaran away sa pamilya maresolba ra’g iyaha. Pag agad lang sa panahon. Apan sa maka usa pa, pangayo’g pasaylo niya. Dili kun nakapasakit ka niya, kun dili sa kasakit nga imo’ng gihatag kaniya. Duna’y dako’ng diperensiya ang duha. Ang primero wala’y pag angkon sa sayop nga nabuhat, ang ikaduha duna’y pagdawat.

Ipaabot niya nga nagbasol ka sa nahitabo, naguol sa inyong gidangatan isip magsuon ug magpaabot kanus-a niya pasayluon. Wala’y dautan sa pagpaubos maski duna sad siya’y nahimo nga kanimo nakapahiubos. Kun siya magpabilin nga mapahitas-on, siya ra’y mahigot sa kunsumisyon samtang ikaw wala na’y gipas-an nga emosyon. Ang kalagot ug pagdumot bug-at sa dughan ug buot.   Posible taas iya’ng garbo kay nagsalig siya sa iya’ng kuwarta nga ginapadala para sa inyong ginikanan. Pasagdi lang kay iya man sad na’ng hinagoan. Apan ang imong pag atiman sa inyong ginikanan dili kabayran. Mao na’y timan-i aron di ka ma-alkanse sa pagbati ug kunsensiya. Gani, imong pag atiman sa inyo’ng ginikanan di kabayran. Apan ayaw na ni inawong niya, pasagdi nga siya mismo makaamgo.

Kun di gyud siya makig-uli, ayaw pugsa. Basta ikaw nibiya na sa tensyonado nga sitwasyon. Moabot ra ang panahon nga mohupas ang kalagot nga iya’ng gitanom. Duna gihapo’y higayon nga kamo magtigom isip igsoon.

Tito Miguel

TITO MIGUEL
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with