Tito Miguel
(Banat) - August 3, 2020 - 12:00am

Hay kapuya na kaayo uy! Wala nako makasabot sa akong kaugalingon. Maguol man lang ko’g kalit walay hinungdan. Mawad-an ko’g gana. Ka surrenderon nako, Tito Miguel. Kapoy na kaayo ning atong kahimtang karon. Kanus-a paman ta mahuman aning Covid?

Ako diay si Kate. I’m 23 years old, dalaga ug taga Guadalupe. Gilaay na gyud ko og maayo, Tito Miguel. Nabuhat na nako tanan: bartering, cooking, gardening, tiktok, reading. DMD na kaayo.

Gimingaw nako sa akong mga friends, workmates. Gimingaw nako og malling, dining out. Gimingaw nako sa kaniadto sa wala pay pandemic. Nakulbaan pud ko basin wala nakoy work nga balikan. Makaguol. Dili na gyud ko emotionally and pschologically stable. Depressed ko.

Kate

* * *

Kate,

Ang imong problema kalaay, kamingaw, kaguol ug kakapoy nga wa na kay laing mabuhat tungod sa lockdown. Pipila lamang kini sa mga epekto sa quarantina sa atong mental health. Natural ra tanan nimong gibati. Halos tanan nakasinati niini. Gani, ang uban nag-atubang sa mas dakong suliran.

Gilaay ka tungod kay wa na kay laing mabuhat, hunahunaa ang uban nga gilaay kanus-a sila mahaw-as sa kawad-on ug kagutom. Gikapoy ka’g pinaabot kanus-a sa atong balay kita mahulbot, hunahunaa ang mga tawo nga natakdan sa corona nagpaabot kanus-a sa sakit sila maibot ug kanus-a ilang pagpauli gikan tambalanan itugot.

Gimingaw ka sa imong mga higala nga makit-an pa nimo inig tugot sa panahon o dili ba kaha sa online nga tigom, hunahunaa ang mga gimingaw sa ilang pamilya o higala nga nitaliwan tungod sa corona ug sa hangtod dili na nila makit-an pa.

Naguol ka nga basin wa na ka’y balikan nga trabaho, hunahunaa ang mga tawo nga wa pa gyud makakita’g trabaho o kun duna man, delikado sama sa mga health professionals, police ug uban pang frontliners. Adlaw adlaw sila naguol kun natakdan ba sa virus nga ilang madala sa ilang pamilya.

Usa ka rason sa depression kay wa na ka’y nakitang nindot sa kinabuhi karon ug gihinamhinam sa umaabot nga panahon. Kun imo na’ng maamgo nga naa diay ka sa mas hayahay ug malinawon nga kahimtang kumpara sa uban, mausab na imong paminaw sa kaugalingon ug panan-aw sa imong palibot karon. Inay nga magreklamo, ikalipay ug ipasalamat nga ang imong kahimtang, gidamgo ug gikasinahan sa kadaghanan. Duna pa ta’y paglaom nga ang naandan kagahapon mahimo na’ng balikon, tua sa mga eksperto sa medisina nga makakaplag na’g bakuna kontra covid sa labing dali nga panahon, wala sa pulitika nga ang lisod sayon sayonon ug ang sayon lisod lisoron.

Tito Miguel

* * *

Alang sa inyong mga suliran nga buot ninyong patambagan kang Tito Miguel, -i-like ang Banat Hugyaw ug Banat News fb pages aron adto ninyo kana ipadala ug mogawas kini matag Lunes ug Biyernes.

TITO MIGUEL
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with