Tito Miguel
(Banat) - July 31, 2020 - 12:00am

Dear Tito Miguel,

Good day! Please call me Mel. Late 30s nako. From Cebu City. Nagwork from home ko sugod niadtong April. Ug mao na akong problema karon. Gamay ra gud siguro ning problema para sa uban pero nakahasul kaayo ni nako. Kuan man gud, inig ka gabii samtang maningkamot ko og trabaho mukalit og saba saba ang mga iring. Magdagan dagan sa atop sa kasilinganan. Saba gyud kaayo, magbugno. Magkinagulkol sa atop. Makabalda gyud sa trabaho.

Ang problema man gud ani kay wala ni mga tag-iyang mga iringa. Musuroy ra ni sila diri. Diri gyud sila's amoa dapit mag gara-gara. Unsaon ko man kini? Inig ka adlawan manimaho pa gyud ilang hugaw. Ma timing kun magkaon ta. Ako namani gireklamo sa among purok leader pero wala pay action, which is makasabot ra pud ko kay pandemya man. Pero samok ug saba gyud kaayo.

Tambagi ko Tito Miguel. Salamat. —Mel

Mel,

Dangop deretso sa barangay o dili ba kaha sa ciudad mismo kay duna gyud na sila’y ordinansa nga mag-impound sa stray dogs and cats. Mao kini ang pamaagi nga labing insakto ug epektibo. Apan kay lagi pandemya, basin hasta ang action nila nakwarantina. Sigurado nga sama nimo, ang imong mga silingan nabalda ug nahasol sab nila. Kun duna moy homeowner’s association, dangop didto.

Kun wala, mahimo ka mo follow-up sa inyong purok president o dili ba kaha agnihon nimo ang mga tawong tinahod sa mga silingan sa pagbuhat og mga lakang aron di na sila kasulod sa inyong ganghaan. Kun asa ilang lutsanan padung sa inyo, mao kadto ang sirad-an.

Apan bisan pa, kining mga iring abtik molusot, lisod mabantayan kay maayo mokinto kinto. Suwayi’g buhat og dako nga iro iro labi na kanang mosiga ang mata inig ka gabii, ibutang sa atop aron dili mopaduol ang ubang hayop.

Apan kay gawas nga abtik, ang mga iring hait, makabantay na sila nga peke imong panghulga maski sa ngitngit. Samtang sila di pa mapakgang, headphone o dili ba kaha ear plugs ang kanimo makatabang. Duna man gyud ka’y mask kontra covid, gamita sab kini inig panimaho sa ilang hugaw.

Apan kay timing man nga kini mangalisngaw samtang ikaw namahaw, di ka makasuot sa maskara kay wa’y kaagihan ang tinidor ug kutsara. Busa usba gamay imong oras sa pagkaon, inay nga mohungit ka anang orasa, gawas panglimpyo sa ilang gibilin nga gasa, maka exercise pa ka. Kinahanglan ni nimo kay nag sige ra ka’g lingkod tibuok adlaw, aron sad makapatulo ka’g singot mogawas pa imong mga panuhot.

Tito Miguel

TITO MIGUEL
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with