Tito Miguel
(Banat) - April 6, 2020 - 12:00am

Tawga lang ko og Therese, 25 years old, taga Guadalupe. Call center agent. Naa kami silingan nga si Janet. Minyo ni siya, parlorista, duha ka buok mga anak. Amiga mi ani niya.

Manghuwam siya nakog kwarta—kasagaran P500 ug dili na gyud mabayran. Dili na lang sab ko manukot.

Karon nga stay at home ang gipatuman, wala na siyay trabaho. Saba kaayo siya sige’g yawyaw kay nagutman na kuno sila.

Sige’g panglibak sa iyang mga paryente kay wala na kuno makahinumdom nila while sauna iyang gipangtabangan sauna.

Pero naa sab gyuy naka hinumdom. Niduaw nila ug gihatagan sila’g nilibo. Shopping galore dayon siya. Bisa’g unsa na lang gipamalit.

Karon, wala na sab siyay kwarta, ari na sab siya magpaluoy-luoy nako.

Maglagot ko maghunahuna kay shopping shopping gyud siya nya kun magkalisud magpaluoy-luoy diri nako. Unsaon ko mani siya, Tito Miguel?

Dili nako siya pahuwamon aron ma leksyon? Or pahuwamon nako siya ug pasabton sa iyang wrong priorities? Basin ako puy mahimong dautan ining kalakiha.

Therese

* * *

Therese,

Selfish, siya ang matang sa tawo nga pahuwamon nimo’g dili, kuwangan gihapon imong tabang, wala’y katagbawan. Wa ka’y lutsanan kay ikaw gihapon ang para niya dautan. Kana lang daan balik balik niya’g huwam nga wa’y bayad bayad, buot pasabot wa siya’y kaikog. Iya ra panginahanglan ug kaugalingon iya’ng makit-an. Dili pabalibad, mao na iyang abilidad.

Ayaw kabalaka kun kaniya ikaw mahimong dautan, kay sa sugod pa lang wa siya’y nakita nga kaayo sa imong pagkatawo.

Gani, wala ka’y responsibilidad ngadto niya, ang imong kaayo iya ra giabuso, unya karon ikaw pa ang maikog sa usyoso.

Ang sobra ka buotan tabla ra sa katangahan.

Maayo man imong plano nga sultihan siya unsa angay iyang prayoridad, apan sa lagmit di maminaw sa imong tambag, away pa inyong makaplag. Selfish gani, maski sayop makigpatay og lalis. 

Apan sa panahon karon nga nihit ang pagkaon, mahimo gihapon ka motunol apan dili na kuwarta, mas maayo bugas ug pagkaon aron sigurado ka asa padulong. In times like these, you can be selfless even to the selfish. Pero inig human sa kwarantina, undangi na ang pag abag ngadto sa yabag. Ayaw kaguol, ikaw ra’y alkanse sa hangol.

Tito Miguel

* * *

Alang sa inyong mga suliran nga buot ninyong patambagan kang Tito Miguel, -i-like ang Banat Hugyaw ug Banat News fb pages aron adto ninyo kana ipadala ug mogawas kini matag Lunes ug Biyernes.

TITO MIGUEL
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with