Tito Miguel
(Banat) - March 30, 2020 - 12:00am

Miguel,

Tawga lang ko sa pangalanag Maretes. Usa ka bayut. Mao ni ang akong suliran. Byuda na ang akong inahan ug karon, may ka live-in siya nga pareho ra nakog pangedaron, baynte kapin. Akong mama hapit na mag singkwenta. Wa gyud koy gusto aning lakiha kay klaro kaayung gipangwartahan lang si Mama.

Kinsa gyud intawn ang tarung og utok nga bata nga mopatul sa akong inahan nga tiguwang na. Unsaon nako arun magbuwag sila? Wa gyud ko makauyun ani niya kay bossy kaayu sa balay. Salamat,

Maretes

* * *

Maretes,

Kun imo sila buwagon, samot mopilit imong inahan sa batan-on. Mas maayo storyahon nimo sa tarong, apan ayaw sugdi pagbabag ug pagdaot sa batan-on kay lagmit siya modepensa sa sitwasyon. Ang imo’ng atake sa batan-on iyang konsiderahon nga atake sab sa iyang kaugalingon.

Sugod sa pagpadayag sa imong kalipay nga nakakaplag siya’g makauban sa kalisud ug kaharuhay. Apan agniha siya nga gamiton usab iyang pinsada ug panglantaw.

Pangutan-a nga kay siya hapit na mag singkuwenta, aduna ba’y purohan ang batan-on mounong kun siya setenta na?

Lagmit siya magdumili paghunahuna unsa’y ilang kaugmaon kay karon nalingaw pa siya sa gitik sa batan-on. Pasagdi, basta nasulti na nimo ang angay niya’ng kahadlokan.

Sa laing bahin, istoryaha usab ang batan-on. Ingna nga kay siya gipili man sa imong inahan, wa kay mahimo kun dili ang paghatag niya’g higayon pagprobar nga siya angayan ug duna’y katakus, apil na niini ang pag abag sa imong inahan sa pinansyal nga hisgotanan.

Itataw sa batan-on asa siya dapit sulod sa inyong panimalay, ngadto ra sa lawak sa iyang kapuyo nga imong nanay. Buot pasabot dili siya mahimo maghawod hawod sa tibuok panimalay kay naa ka nga anak nga duna’y labaw nga katungod.

Kun kamo magsungi ug ikaw naa sa insakto, ipatigbabaw imong otoridad ug katungod. Lagmit ngadto sa batan-on imong inahan modapig, ayaw palupig hangtod imong inahan makaamgo nga wa’y kalinaw ang dala sa iya’ng lingaw.

Pangayo’g tabang sa imong mga iyaan o suod nga higala sa imong inahan nga sultihan siya hangtod malamdagan, ug imong mga uyoan ngadto sa batan-on. Apan lagi kay imong inahan lagmit samot mopilit, pasagdi lang usa. Ayaw pugsa kay ang maong matang sa relasyon mabuak ra’g iyaha sa dili madugay tungod kay wala nagtubod sa pagmahal nga tiunay.

Duna’y mga relasyon nga angay lang pasagdan hangtod nga kini mismo moabot sa utlanan. Kun imong inahan mabiyaan nga masulob-on, pamawi dayon.

Basin sa imong inahan duna ka’y kakuwangan, nga posible usa ka dakong rason nidangop siya sa batan-on.

Tito Miguel

* * *

Alang sa inyong mga suliran nga buot ninyong patambagan kang Tito Miguel, -i-like ang Banat Hugyaw ug Banat News fb pages aron adto ninyo kana ipadala ug mogawas kini matag Lunes ug Biyernes.

TITO MIGUEL
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with