Love story

Dear Banat News,

Maayong adlaw sa tanang suki sa paborito nako nga mantalaan sa Sugbo, ang Banat News. Tawga lang ko sa pangalan nga Hera, 27 years old ug nagtrabaho isip call center agent.

Kanunay gyud ko mobasa og Banat News, ug dugay na gyud ko ganahan magpadala sa akong love story, pero karon ra gyud ko kalugar og suwat.

Lima ka bulan nako nga naay uyab, siya si  Christopher, 25 years old ug nagtrabaho sa usa ka restaurant.  

Wala gyud ko nag-expect nga magka-uyab ming duha kay dili gyud nako siya feel sa una tungod sa iyang background sa pagka-babaero.

Nagkaila mi ni Christopher tungod ra pud sa among tagsa-tagsa nga barkada. 

Magka-jam man gud usahay ang tagsa-tagsa namo nga barkada ilabi na sa usa ka  imnanan diha sa Busay.Dili gyud na mawala ang mga sungog-sungog. Nakaingon ko sa akong kaugalingon kaniadto nga dili gyud ko magpadala sa mga sungog kay dili ko ganahan nga maapil sa listahan sa iyang mga babaye.

Sa wala pa mi nagkaila, kanunay na gyud siya kansiyawan sa iyang barkda kay bisan kinsa lang ang iyang uyab.

Naa siya’y babaye  nga nauyab, naa pu’y mga bayot.  Apan sa dihang na-develop na siya nako gibiyaan na niya ang iyang pagkababaero.

Gibuwagan na niya ang mga girl  ug bayot nga iyang nauyab.

Dili sad ko humok og ilong, wala dayon nako sugta si Christopher kay hadlok ko magmahay.

Apan pag-abot og unom ka bulan sa iyang pagdiskarte nako, na-develop ra man sad ko niya eventually.

Gipamatud-an niya nga iya gyud kong gihigugma  ug nag-antos gyud siya og taas nga bulan aron lang gyud nga ako siyang sugton.

Matud pa niya nga immature lang gyud siya sa una maong babaero siya. Apan karon, nausab na ang tanan sa dihang iya ko nga naila-ila.

Malditahon man ko nga pagka-babaye maong na-challenge daw siya nako. Nag-observe jud baya ko sa mga lihok ni Christopher ug nabantayan gyud nako nga loyal na siya sa akoa ug dili  dedmahon gyud niya ang mga babaye nga mo-flirt niya. Mo-request ko sa lyrics ug chords sa The Power of Love by Celine Dion.

Hi Hera! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo'y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini: Love Story

C/o Banat News