Tito Miguel
(Banat) - February 17, 2020 - 12:00am

Miguel

Dear Tito Miguel,

Ako diay si  Nazarina, 24 years old,  taga Zamboanga gyud ko apan naa ko ron dinhi sa Cebu City ug nag-work isip call center agent.

Kun akong mga friend pa ang pasultihon , usa ko ka girl nga  manhid nga bisan pasakitan na ,magpakabuta bungol ra gihapon.

Naa ko’y boyfriend, si Niel Jake, 23 years old, ug same mi nga call center agent apan lahi lang siya nga company.

Kapin na sa tulo ka tuig ang among relasyon .

  Akong angkunon , wala jud siya nangagi og panguyab nako. Ako ang namugos nga magkauyab mi kay ganahan man kay  ko niya.

Gisakyan niya ang akong pa-sweet sweet sauna hangtud nga nahimong murag uyab ang among istado.

Hinuon, matawag naman mi nga uyab kay iyaha naman na nga gi-claim sa mga tawo.

Luoy pud baya ko Tito Miguel, wala kahibaw ang mga tawo sa akong sitwasyon.

  Biyaan rako niya kun feel niya. Apan kun mingawon gani siya nako, mobalik napud siya. Kutob nalang ko sa paghilak kay dili man sad ko ganahan nga mawala siya nako.

  Laktod pagkaistorya, ako ray nagdala sa amo relasyon, ug mag-uban lang mi kun kanus-a niya feel. Magpatambag lang ko Tito Miguel, unsa ang angay nako buhaton aron dali nalang nako ang pagbiya kaniya ,kanang dili nako mawili niya.Basin naa ka mga technique aron sayon nalang pagbiya sa tawo nga dili kaayo tantong sakit. Salamat Tito Miguel.

* * *

Nazarena,

Walay kamo kun ikaw ray nagdala ninyong duha. Mas pait kun naa ka’y kuyog pero sa tinuod nag-inusara. Desidido na ka mobiya apan imong problema kay sa kawili mahadlok ka.

Mawili gyud ka kun sa kasingkasing magpaulipon ka. Ang pagwakli sa dikta niini maoy labing epektibong pamaagi aron sa paglingkawas wa’y kukawili.

Apan kini sayon ra isulti, unsaon nga sa hinay-hinay imong kaugalingon makumbinsi? Ipalayo imong panglantaw sa umaabot.

Duna ba ka’y nakitang ugma ninyong duha nga karon gani ikaw balewala niya? Ang bugtong rason ngano para niya ikaw wala’y kuwenta kay wala siya maglisud panguyab nimo, nangabli ka sa imong pultahan maski siyaa wala manuktok. Apan ang rason sa tanan niyang binuhatan kay waka niya gimahal. Dalhon ba nimo ang maong sitwasyon sa kaugmaon nimo? Mangabli na sad ka bisan wala’y nangayog maayo?

Sakit ang pagbiya apan kinahanglan buhaton karon aron malikayan ang mas lawom nga kasakit ugma. Don’t enjoy the pain of loving, there is no love to wait for in the future, only more pain to endure.

Tito Miguel

* * *

Alang sa inyong mga suliran nga buot ninyong patambagan kang Tito Miguel, -i-like ang Banat Hugyaw ug Banat News fb pages aron adto ninyo kana ipadala ug mogawas kini matag Lunes ug Biyernes.

TITO MIGUEL
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with