Tito Miguel
(Banat) - January 27, 2020 - 12:00am

Dear Tito Miguel,

Sukad nako nabasahan ang imong column, nakahukom ko nga magpadala og suwat nimo.

Ako si Tata, first year college,19 years old, naa koy lima ka barkada nga puros babae. Duha nila kay akong mga suod ,ug usa nila kay matawag nako nga best friend ug i-cheer up ko niya kun mawagtangan ko og confidence muatubang sa mga tawo. Naa siya always sa akong side through ups and downs.

Akong bestfriend kay sweet friend, cute attitude, naay good manners and right conduct ug jowable.

Naibog ko niya sa tago ug ni-confess ko niya sa chat. Gusto nako siya nga panguyaban , ang nakaapan lang kay wala ko kasuway og uyab since birth. Angayan ba mag-uyab uyab ang torpe? Gusto ko niya ug gusto pud nako siya, mahadlok lang ko manguyab niya.

Tambagi ko please , dili sad ko ganahan nga i-let go siya kay comfortable naman gud ko niya.

Tata

* * *

Tata,

Dili bawal ang torpe manguyab, ang problema unsaon pagpadayag. Apan kay suod, kumportable ug gusto man diay ninyo ang usa’g usa, posible para niya kamo na, ikaw nga torpe dili lamang amang, usahay buta pa.

Ang lenguahe sa gugma dagha’y pamaagi, dili lamang sa pulong, nga sa mga torpe maoy lisud himuon. Mas epektibo ipaagi sa lihok ug binuhatan nga imo na’ng nasugdan. Ipakita unsa siya ka espesyal, nga lahi imong tinagdan niya kumpara sa uban. Itratar siya nga imong uyab bisan sa pulong wa ka makapadayag. Imbitara siya kanunay nga kamo ra’ng duha, hangtud nga siya mismo ngano mangutana.

Sa maong higayon tataw na kaayo ang entrada para sa imong bulada. Apan kun imong dila mokaging, ingna nga dili ka maayo sa pulong, apan sa buhat nimo wala na siya’y angay ikahibulong.

Apan lagmit ang babaye mangita gyud og kasigurohan sa relasyon, guniti ang kamot dayo’g ingon sa imong tiunay nga intensyon.

Kun di gyud ka kahimo, ayaw pugsa imong kaugalingon. Dili kinahanglan isulti ang tinuod nga gibati, kun sa buhat iya na’ng mapamati. Sa imong pagkatorpe nahimo ka’ng amang, apan ang buhat mas kusgan molanog sulod ngadto sa iyang dughan.

Dagha’ng relasyon nga klaro ang pormalidad, apan haw-ang sa kalidad. Ang naa nimo wa’y pormalidad apan tataw nga sa usa’g usa di na mo ka balibad. Uyab na mo, wa lang ka kahibawo. Pagdali, dugay na siya’ng nagpaabot nimo.

Tito Miguel

* * *

Alang sa inyong mga suliran nga buot ninyong patambagan kang Tito Miguel, -i-like ang Banat Hugyaw ug Banat News fb pages aron adto ninyo kana ipadala ug mogawas kini matag Lunes ug Biyernes.

TITO MIGUEL
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with