Tito Miguel
(Banat) - January 6, 2020 - 12:00am

Dear Tito Miguel,

Maayong adlaw sa tanan!

I’m Marvin, 28 years old ug nagtrabaho sa usa ka department store.

Naa koy uyab, si Jamilia, 23 years old ug nag-work isip call center agent.

Naabot ang panahon nga hapit nako mo-surrender sa among relasyon tungod kay grabe kaayo ko katuok ni Jamilia.

Dili man siya ganahan uy nga mouban ko’g laag sa akong mga barkada.

Kapila ko mo-attempt og buwag niya tungod sa iyang batasan, apan mausab rapud dayon akong hunahuna tungod kay sayangan ko sa among two years kapin nga relasyon.

Sa tinuod lang, padulong na baya mo fade akong feelings niya.

Dili ko ganahan nga magsugod napud sa uno maong magpatambag ko nimo Tito Miguel kun unsa akong buhaton aron ma-consistent akong feelings niya nga dili madayonan ang pagka-fade. Sayang pud baya ang nasugdan, ganahan lang ko nga mahibalik katung tibuok pa akong feeling niya.

Salamat..

Marvin,

* * *

Ang gugma’ng nagkahupas, padulong na mapapas ug maski unsaon di na nimo maapas. Dili nimo angay

pugson imong kaugalingon pag sustinir o pagbalik sa kanhi init nga pagmahal, kay ang gugma ihatag nga gawasnon ug bukal.

Kun gi-anugnan ka sa duha ka tuig nga inyong relasyon, dili husto ang rason ngano kaniya ikaw mopadayon.

Ang bugtong rason nga magpabilin sa relasyon wala’y lain kun dili ang gugma sa usa’g usa diin nagtubod ang tiunay nga respeto ug amuma nga kaninyo hingpit nga makalipay. Stay in a relation for the right reasons, not because you’ve been through many seasons.

Gani, di pa dugay ang duha ka tuig. Ang sukod sa relasyon dili ang edad niini kun dili ang kalidad.

Ang pagsuta niini simple ra, do you make each other better persons? Kun dili, sa inyong relayon duna’y dako’ng hiwi.

Sa iyang pagtuok nimo, nilambo ba imong pagkatawo? Makita ba nimo imong kaugalingon nga kuptan niya

hangtod sa kahangturan? Ayaw paglaom nga siya mag-usab kay lisud undangon ang maong batasan, kay diha wa siya’y nakita nga dautan. That’s just who she is.

Kun ang pagbati hingpit na nga nihupas, isulti niya ang kamatuoran nga niabot na ka sa utlanan. Ang imong problema kay kapoyon ka magsugod sa uno ngadto sa lain, busa kuyog niya ikaw magpabilin. Sigurado ka nga kaniya nakatikang ka sa ikaduha’ng ang ang? Sa iyang pagtuok nimo, naa ra ka sa primero nagpundo. Kun sa imong pagtuo layo na inyong naabtan, ang imong nagkahilis nga gibati nagbira nimo balik sa wa pa’y sinugdanan.

Not every relation must last, some are better left in the past. Some are worth keeping, others are not even worth remembering.

Tito Miguel

* * *

Alang sa inyong mga suliran nga buot ninyong patambagan kang Tito Miguel, -i-like ang Banat Hugyaw ug Banat News fb pages aron adto ninyo kana ipadala ug mogawas kini matag Lunes ug Biyernes.

TITO MIGUEL
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with