Tito Miguel
(Banat) - December 13, 2019 - 12:00am

Dear Tito Miguel,

Hello sa tanan nimo nga suking readers. Ako diay si Rexanne, 25 years old, taga  Banawa, Guadalupe, Cebu City. Nag-work ko sa usa ka fast food chain. Naa ko’y uyab  si  Niño, 24 years old nga usa ka tambay.

Nakapaet aning Niño kay permi gyud maninghag nako, yawyawan  ko permi sa text  kun mokatok ang utok. Bata-bataon siya og huna-huna. Laktod nga pagka-istorya akoy gadala sa among relasyon.

Matawag ko nga martyr nga pagka-uyab, kay bisan kapila nako gidapatan ug gipakaulawan,  dili gihapon ko makaako nga makigbuwag kaniya. Love gyud nako siya, bisan ako wala ko kasabot  sa akong kaugalingon kun nganong mopilit  gihapon ko niya bisan  dili na sakto ang pagtratar niya nako.

Kahibalo ko nga stupid ra kaayo ko Tito Miguel, mangayo na lang ko sa imong encouraging  words aron  tingali sayon  na lang nako ang pag-let go niya. Unsa ang tips nga imong ma-recommend sa pag-let go niya nga dili kaayo tantong masakitan or dali ra nako madawat ang kamatuoran nga mawala na siya nako? Namasin lang ko nga naa kay formula niini. Daghang salamat, Tito Miguel.

Rexanne,

Wala’y formula unsao’g let go. Apan dunay mga lakang imong mga tiil mahimo ngadto motikang. Sutaon nato asa ka dapit karon. Nahigugma ka’g maayo niya bisan pa nga ikaw giabosohan, gidagmalan ug gipakauwawan. Wala ka maghisgot nga gipangga sad ka niya. Kun wala kay hisgot, walay gugma gikan niya kanimo niabot.

Sa relasyon, kinahanglan duna kay mapaabot nga kaugmaon. Suwayi og piyong samtang imong palibot malinawon. Makita ba nimo imong kaugalingon kuyog niya sa maong situwasyon 20 ka tuig gikan karon? Lagmit dili. Busa biya na karon dayon, putla ang relasyon nga walay kaugmaon aron way usik sa panahon.

Kun imong makita imong kaugalingon sa umaabot kuyog niya, tingali nilaom ka nga siya mausab pa. Undang na dili mausab ang tawo nga walay nakitang dautan sa iyang pamatasan. Dili igo imong gugma aron makapa-usab niya busa ayaw na paninguha.

Kuwang ang rason hangyo or bahad nga makapausab niya kay sa panghunahuna didto iyang problema. Dili pasabot iyang utok ang-ang, pero kun ikaw magpabilin labaw pa ka sa buang.

Paminawi’g maayo imong kaugalingon, nahigugma ba gyud ka niya o naanad lang ka kuyog siya. Tinuod, lisod pagsimang gikan sa naandan, apan ang panahon dunay pamaagi nga ikaw matabangan. Kahadlok nga tibuok kinabuhi ka sa badlongon magsagubang. Kaya ba nimo momugna og pamilya kuyog ang way buot nga bana? Ikaw nagdala sa inyong relasyon karon, samot na nga kanimo iyang isalig tanan sulod sa inyong kaminyuon. You are better off without him.

Wala’y formula, pero kanimo duna. Good life without a bad beau or bad life with a bad fellow. Do the math.

Tito Miguel

TITO MIGUEL
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with