Tito Miguel
(Banat) - November 18, 2019 - 12:00am

Dear Tito Miguel,

Una sa tanan,magpasalamat ko nimo Tito Miguel nga gihatagan gyud nimo og oras ang akong ginagmay nga suliran.

Yes, gamay ra gyud ni akong problema   ug dako akong pagtuo nga makatabang gyud ang imong  tambag aron mahimutang akong kaugalingon

Ako diay si Shiela, 25 years old ug nagtrabaho isip call center agent. Naa ko’y naganahan nga ka-workmate nako, si Stanly.

Bag-o lang siya  sa trabahoan, I think  four  months pa siya. Ganahan kay ko niya gyud, ilabi na karon nga nagka-close nami og maayo.

Pero mora’g torpe si Stanly, kun basehan ang among conversation, mora’g sweet na gyud kaayo ug nagpakita pud siya og motibo nga ganahan siya nako.

Nasige nami og bonding, ug sige sad ko og huwat kun modiskarte ba siya nako.  Matawag naman tingali nga MU o mutual understanding ang among status. Nanggigil nako og maayo hangtud naabot sa akong huna-huna nga ako nalang tingali ang manguyab niya uy.  Pero nagduha-duha sad kay mora’g uwaw mansad kaayo uy kun ang babaye ang modiskarte sa lalaki. Pero nahasol gyud ko.

Tito Miguel, unsay angayan nako nga buhaton? Okay ra ba kaha nga mosugal nalang ko sa pagdiskarte kang Stanly?

Shiela

* * *

Shiela,

Puede ra ikaw ang manguyab niya. Tinuod, sa atong namat-ang kultura, lalaki gyud ang manguyab, apan dili sayop kun mismo ang babaye maoy mobuhat niini. Lahi sa naandan, pero dili dautan.

It liberates tungod kay ang babaye dili mahigot sa pagpaabot kun kinsa’y moduol ug manguyab niya. Kun imong limitahan imong choice sa moduol nimo, tabla ra nga gihikawan nimo imong kaugalingon sa imong gusto.

Ang problema lang kay basin dili siya abli sa imong buhaton nga sukwahi sa naandan. Torpe raba, basin mahadlok ug mopalayo. Busa, siguroha usa kun liberal ba siya or conservative aron makaandam ka unsa’y angay buhaton sunod.

But regardless, anugon nga mahanaw ang higayon kay wa ka’y gibuhat nga lakang. Duol na ka, kay sa mutual understanding, formality na lang ang kulang.

Kun maglisod ka’g sulti niya, mahimo nga imo siyang bitkon. Suwayi’g ingon nga feeling nimo mora na mo’g uyab, basin dunay magselos kay sa imong bahin wala. Kun moingon wala, buot pasabot niuyon siya nga mora’g kamo na. Step up, tell him nga wala diay problema kun ma formalize inyong relasyon.

Kun moingon duna, ask him kun mao ba na’y rason nga wala’y pormalidad inyong relasyon. Then tell him sakit man sa imong bahin, kinahanglan mo distansya mo sa usa’g usa. This way, nakasulti ka nga imo diay siya’ng gihigugma. At the same time, nakaamgo ka nga he is not worth the plan kay duna man diay siya’y gibudhian.

Either way, you have created the opportunity to tell him you love him. Grab it, so when you grow old you won’t ask what if.

Tito Miguel

* * *

Alang sa inyong mga suliran nga buot ninyong patambagan kang Tito Miguel, -i-like ang Banat Hugyaw ug Banat News fb pages aron adto ninyo kana ipadala ug mogawas kini matag Lunes ug Biyernes.

TITO MIGUEL
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with