Tito Miguel
(Banat) - October 21, 2019 - 12:00am

Dear Tito Miguel,

Nagpatambag akong friend nimo ug lingaw kay ko nagbasa sa imong tambag kaniya.

Ako napud ang magpatambag nimo karon, ako diay si Mary Jane (dili tinoud nga pangalan, siyempre), 27 years old ug nagtrabaho sa usa ka pawnshop.

Naa nako’y uyab, siya si  Macmac ,28 years old ug usa ka tuig kapin na ang among relasyon.

Tinud-anay gyud nako nga gihigugma si Macmac. Ganahan kay ko sa iyang pagka-gentleman ug taas gyud siya og respito nako.

Naproblema lang ko karon Tito Miguel kay ma-attract man gihapon ko og laing lalaki uy bisan naa nakoy uyab.

Usahay kun mag-night out mi sa akong barkada, ako pud sakyan ang mga magpa-cute nako nga mga lalaki.

Hinuon dili jud ko mohatag sa akong contact number nila. Mura baya ko og makosensya, maong mangayo og tambag nimo kun unsa akong buhaton aron dili nako matintal. Salamat Tito Miguel .

* * *

Mary Jane,

Natural nga maibog sa lain maski duna na’y uyab o kapikas. Dili kini dautan kun magpabilin sa hunahuna.

Duna ta’y freedom of thought limited only by faith and conscience.

Ang ngil-ad kay kun imong buhata’g lakang ang imong gibati, sama sa pag sakay sakay sa mga laki nga magpa cute nimo.

Ang flirtation usa ka form of cheating nga kinahanglan undangon nimo kun tiunay imong gugma niya.

Ayaw ibutang imong kaugalingon sa sitwasyon nga matintal ka sama sa night out nga posible dunay ilimnon or substance that impairs your judgment. Kun mahimo ngadto lang kuyog sa imong pamilya, uyab or mga higala nga good influence kay humok ka maibog sa lain.

Apan ang panuway moabot maski asa ug maski kanus-a. Motumaw man gani kini samtang nagkuyog mo sa imong uyab. Kun di malikayan nga dunay moduol nimo, sultihi dayon nga duna na kay uyab.

Kun mo insistir kay nahagit, palayo dayon. Dagan ngadto sa imong uyab to remind you how gentle and respectful a man he is. Gani, suwerte ka nga nakauyab ka’g sama niya nga nihit na karon.

Tinuod lingaw ang gitik sa magpa cute nimo labi na kun ikaw naibog sab nila. But not everything that feels good is right, and not everything that is right feels good.

Don’t exchange your rare opportunity at a decent relationship for a fleeting attraction. Doing the right thing may not exactly feel good now, but it will in the future, even better.

Tito Miguel

* * *

Alang sa inyong mga suliran nga buot ninyong patambagan kang Tito Miguel, -i-like ang Banat Hugyaw ug Banat News fb pages aron adto ninyo kana ipadala ug mogawas kini matag Lunes ug Biyernes.

TITO MIGUEL
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with