Road to Miss Consolacion 2019

Banat News Hugyaw (BNH): Unsay labi nimong gipasigarbo isip Consolacionanon?

Isabela: Isip Consolacionanon ako gyud nga ipasigarbo ang panaghiusa  mga tawo ug ang pagtinabangay kung naa may mga dagkong problema. Kung mga establisamento man ang hisgutan, naa  pu’y mga dagkong shopping centers nga nakatabang og  dako sa mga Consolacionanon. Dili na kailangan pang moadto og lagyo nga lugar para makapalit sa ilang mga panginahanglanon.

BNH: Makiangayon ba nga adunay balaod nga magdili sa asawa/partner pagkuha sa atm card sa ilang bana/kapuyo? Ngano man?

Isabela: Ma naa may balaod o wala, ang desisyon naa ra gyud na sa bana’g asawa kung ila ba ipagamit ila atm card o dili. Nag-uban mo para sabutan ang mga butang nga dili na angay pang i-abot sa pagbuhat og  balaod.

BNH: Nganong ikaw maoy haom makoronahan isip Miss Consolacion?

Isabela: Dili ko ganahan mokompara ug maghunahuna nga mas naglabaw ko sa akong mga kauban nga mga kandidata. Kani nga pageant para nako kay usa ni kahimsog nga kompetisyon. Naa mi’y nakat-onan ug among gitrato ang usa’g-usa nga mura na og pamilya. Kami tanan angay makoronahan isip Miss Consolacion 2019 sa lain-lain nga pamaagi. Kung buot hunahunaon, dako na kaayong dungog nga nahimo ko nga kandidata sa  Miss Consolacion 2019. Kung unsa may resulta, daog man o dili, ako nang gipasigarbo nga parte ko  sa kini nga pageant.

Banat News Hugyaw (BNH): Unsay labi nimong gipasigarbo isip Consolacionanon?

Denise: One thing nga makaingon kong proud ko isip Consolacionanon  kay  devoted ko  sa mga maayong kausaban. Daghan na kaayong makita nga dagkong infrastructures ug gipangtukod nga major projects diri sa Consolacion para gikan sa Municipality hinay-hinay siyang mahimo nga siyudad sa umaabot nga mga adlaw. Ari nako nagdako ug kinasing-kasing na ni nakong giisip nga  puluy-anan.

BNH: Makiangayon ba nga adunay balaod nga magdili sa asawa/partner pagkuha sa atm card sa ilang bana/kapuyo? Ngano man?

Denise: Sa akong pagtuo kay dili naman kinahanglan mohimo og balaod kalabot niini. Kun responsable ang  usa ka bana, willing jod na siya mosuporta sa iyang pamilya bisag wala pay mosulti niya o wala pa’y balaod.

BNH: Nganong ikaw maoy haom makoronahan isip Miss Consolacion?

Denise:  Adunay kanya-kanyang kakayahan ang tanang kandidata, pero confident ko nga aduna koy kapasidad nga atubangon ang tanang responsibilidad sa tinuod nga mananaug ug buhaton tanang duties kay passionate ko sa pagserbisyo sa komunidad  labi na sa akong pinalanggang municipality, ang Consolacion. Labaw sa tanan, naka-desisyon ko sa akong kasing kasing nga akong gamiton akong tingog para mo impluwensiya sa kabatan-onan ug mo-promote sa akong adbokasiya nga active citizenship.

Ate Gay gitangtang sa TNT

Masulub-ong gipahibalo sa  komedyante nga si Ate Gay nga  gitangtang na siya isip  contender sa Tawag Ng Tanghalan Celebrity Champion sa It’s Showtime.

Wala’y ideya si Ate Gay kun nganong  kalit siya nga gitangtang.   Nasayran nga nakagahin na si Ate Gay og oras niini sa mga taping, pictorial ug uban pa nga preparasyon alang sa maong contest.

“Nais ko lang po ibalita na hindi na po ako makakasalang sa TNT ... nakakalungkot man na ang management ay walang sinabing dahilan kung bakit ... salamat sa abala sa oras na masaya sana... bagamat patuloy lang po ang buhay na ang layunin ko lang ay magbigay aliw sa madlang people at lumaban... uulitin ko po walang sinabing dahilan kundi Di na po ako isasalang ... maraming salmat po!,” suma pa sa iyang Facebook post.

Espesyal ang October

Espesyal sa magtiayong  Ogie Alcasid ug  Regine Velasquez-Alcasid ang buwan sa Oktubre  gumikan kay mao kining buwana nga nahimo sila nga Kapamilya.   Kahinumdoman nga niadtong October 17, 2018, nitikang sila sa ABS-CBN human sa pipila ka tuig nga pag-istar sa GMA-7. “Happy anniversary sa ating dalawa sa pagiging Kapamilya love Regie, October 17, 2017 for me and October 17, 2018. Coincidence? Perhaps,” suma pa sa  post ni Ogie.

Make It With You

Gipasigarbo nila ni Liza Soberano ug Enrique Gil  ang upcoming series nila sa ABS-CBN nga  Make It With You gumikan kay mas mature ang ilang role. Si Cathy Gacia-Molina ang direktor sa maong teleserye. “This is something new to us! We’re really excited because we haven’t done a teleserye in more than a year now,” suma pa ni Liza sa interview niini sa TV Patrol.

Moderetso sa Japan

Inigkahuman og pa-check-up  ni  Kris Aquino didto Singapore, nagpalano kini  nga mobakasyon sa  Japan sulod sa pipila ka adlaw.   Nasayran nga kanunay  molaag si  Kris sa maong  nasud.

Ka-sweet uy

Gipakilig  nila ni Derek Ramsay ug  Andrea Torres ang ilang fans pinaagi sa pag-post sa ilang hulagway samtang naghalok nga kuha sa ilang pagbakasyon didto sa Macau.   Kung dunay gikilig,  duna pu’y nisaway gumikan kay sobraan ra ka-display ang ilang relasyon. Kever ang duha  sa ilang bashers.

Busy sa negosyo

Gikatahong busy si  Baron Geisler sa iyang negosyo busa okay ra kaniya ang pagkatak-op  sa  iyang karakter sa teleserye ni Coco Martin nga ang Probinsyano.  Wala pa matino kun duna ba’y follow-up project si Baron sa ABS-CBN.

Madayon o dili ?

Gipaneguro nila ni Aga Mulach ug Lea Salonga  nga makakab-ot og nindot nga istorya kun pananglitan madayon ang giplano nga reunion movie alang nilang duha.  Kahinumdoman nga sikat kaayo ang tandem nila kaniadto ilabi sa pelikulang  Bakit Labis Kitang Mahal niadtong  1992 ug Sana Maulit Muli niadtong  1995 .

Pasok si Jake

Nalakip si Jake Cuenca sa  pelikulang Mission Unstapabol: The Don Identity nga gibidahan nila ni  Vic Sotto ug  Maine Mendoza.  Usa sa mga pambato sa Metro Manila Film Festival 2019   ang maong pelikula.

Nauyonan sa viewers

Wala damha sa Kapamilya actor nga si Enzo Pineda nga  mohangop ang publiko  sa tandem nila ni  Michelle Vito.  Nahulma ang ilang love team  sa daytime series sa ABS-CBN nga  Nang Ngumiti Ang Langit.

Online show sa MayWard

Sila si Maymay Entrata ug  Edward Barber ang mahimong  hosts sa labing una nga  global singing search nga “Star Hunt: The Global Showdown.”  Usa kini  ka online show nga gamitan og mobile application.

Nagpanikat sa kanta

Naghinam-hinam na si James  Reid sa mga bag-o niyang ginama  nga awit nga anam-anam niya nga ipadungog sa pubiko.  Busy karon  s James sa pagdumala sa iyang kaugalingong i-music label. Malipayon usab siya nagkalig-ong relasyon nila ni Nadine Lustre.