Love Story
(Banat) - August 20, 2019 - 12:00am

Dear Banat News,

Una sa tanan nalipay kay ko nakahigayon na gyud ko og suwat sa story sa akong lovelife sa una.

Suki gyud ko sa Banat News. Ako diay si Lawrence, 27 years old ug nagtrabaho sa usa ka  restaurant.

Ako lang i-share ang akong lovelife, nga upat  ka bulan na nga nahanaw. Nagkabuwag na mi sa akong katapusan nga na-uyab nga si Charice nga usa ka call center agent.

Sa tinuod lang common na kaayo  akong love story ug nakabasa na gani  sa una dinhi sa Banat News nga susama gamay sa dagan  akong story nga gipadala nako karon.

Nilungtad og kapin sa duha ka tuig  ang  relasyon namo ni Charice  busa wala ko magdahom nga kalit lang kini maputol.

 Nagkaila mi ni Charice  kay silingan mi ug daghan man gud mi og common friends busa nagkauban gyud mi sa mga laag.

Nagka-close mi og samot sa dihang nag-outing among barkada kay niuban man pud siya.

Sama sa ubang nilalang, sa pagsige namo og uban og laag na-develop gyud mi sa usa’g-usa, hangtod nga nagka-uyab gyud.

Smooth ra gyud kaayo ang dagan sa among relasyon ug magsige lang mi og travel  para malingaw gyud mi og maayo. Ganahan kay ko ni Charice, kay buotan ug masinabtanon kaayo nga pagkatawo.

Laktod pagka-istorya, gatuyok ang akong kalibotan kaniya kay magsige na man lang mi og kuyog.

Apan  ambot lang uy, kalit man nga nabugnaw iyang tinagdan nako, panagsa na lang siya makigkita nako kay busy daw siya.

Makahibulong gyud kaayo ko, kay bisan unsa ka busy niya sa una, mangita man gyud siya og paagi nga magkakita mi.

Pero naabot ang panahon nga nawala na man hinuon ang iyang gana sa among relasyon.  Bisan unsaon nako og huna-huna, wala gyud ko’y makitang rason nga mawad-an siya og gana nako.

Sweet baya ko nga pagkatawo,  grabe gyud ang gihatag nako nga pagpangga kaniya.

Kun ako siya nga pangutan-on kun unsay problema dili ra man siya motubag. Igo ra siya mangambot ug moana dayon siya nga dili siya magpasamok kay busy siya.

Dili siya ganahan nga magsige ko og pangumusta kaniya. As in dako gyud ang nausab sa iyang batasan nga wala ko kasabot.

Nasakitan ko sa iyang gibuhat  kay nakalitan ko. Wala  mi butang nga giawayan apan kalit ra gyud siya nabugnaw kanako.

Naabot sa punto nga naluoy nako sa akong kaugalingon. Ako na  siya giprangkahan nga wala nako malipay sa among sitwasyon. Gikapoy nako og sige og adjust kaniya.  Nakahukom ming duha nga putlon na lang ang among relasyon. Gihilakan gyud nako og maayo ang nakab-ot namo nga desisyon.  Sige ko og hilak, apan si Charice kay mura ra man og wala, samot ko nga nasakitan.Hangtud karon blangko gihapon ko kun unsa gyud ang rason nga nabugnaw siya og kalit. Dili gyud siya mosulti bisan sa pagsige nako og pangutana kaniya.

Mo-request lang ko sa lyrics sa  Before I Let You Go  by Freestyle.

Hi Lawrence! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini:

Love Story

C/o Banat News

LOVE STORY
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with