Love Story

Dear Banat News,

Maayong adlaw sa tanang avid readers sa Banat News. Basta Martes na gani, excited gyud ko mopakli sa Kalandarakas page tungod sa LOVE STORY kay malingaw gyud ko. Usahay kiligon, usahay pud kay maguol sad ta.

Kahibalo ko nga  common ra kaayo ang  story nga akong i-share ninyo. Gani mura’g naa koy kapareha og dagan sa akong story nga akong nabasa dinhi sauna.

 May name is Niño Jay, 25 years old ug nag-work isip sa usa ka office clerk sa usa ka pharmacy. Usa ka tuig nako nga wala’y uyab, nagpasabot nga dugay nako naka-move on sa akong  ex-girlfriend nga si Miss A nga nag-work isip call center agent. 

Nalingaw  ra man ko sa akong pagka-single, sukad mi nagbuwag ni Miss A, wala pasad ko kakita og laing babaye.

Nagkaila mi ni Miss A tungod kay silingan sila sa akong usa ka friend. Nagkaila mi sa dihang nangumbera ko sa akong friend ug usa siya sa mga bisita. Pag-una pa lang nako  og kita niya, mura’g kiwawan ko niya, kay mura’g artehon. Hinuon, first impression ra gyud to nako.

Nangutana ko sa akong friend sa  iyang FB account. Pagkita nako sa iyang profile, ako dayon siya gi-add.

Iyaha ra pud ko nga gi-accept dayon.  Lipay kay ko kay feel nako basin duna koy tsansa nga makadiskarte niya.

Gikilig ko kay moreply raman siya sa akong mga chat.  Mo-reply pa gyud siya if mo-remind ko niya nga mokaon na. Sendan ko niya og picture sa iyang gikaon. Diba makakilig?

Dili  sad nako kalimtan ang pag-chat niya og “good night” kun padulong na siya matulog. Ako pud siya chatan og,’ Amping permi ha”, kun padulong na siya motrabaho.

Pag-abot og tulo bulan nga  pagpa-cute nako kaniya,  nanguyab ko ni Miss A ug puwerti nakong lipaya kay gisugot dayon ko niya. Okay ra gyud ang dagan sa among relasyon, apan pag-abot og  pila ka bulan, dili naman siya ganahan makigkita nako uy.  Katagsa na lang mo-reply sa akong mga chat, iyaha rako i- seen zone permi sa messenger.  Hangtod nga nakadungog og istorya gikan sa among common friends nga nag-date date sila sila Miss A ug sa iyang  ex-boyfriend.

Wala ko kaantos, nag-set jud ko og adlaw aron makigkita niya ug ako siya pangutan-on kalabot sa information nga akong  nadunggan. Sakit kaayo kay niangkon siya nako nga na-inlove siya og balik sa iyang ex-boyfriend.  Samtang uyab pa diay mi, nagpadayon pa diay ang ilang komunikasyon. Dili man gud ko hilig manghilabot sa iyang phone kay salig ra baya ko niya.

Dili nako kontrolado ang iyang feelings ngadto sa iyang ex-boyfriend busa nagdesisyon na lang ming duha nga magbuwag.

Sigurado ko nga pagkabuwag namo, nagbalik nato sila sa iyang ex.  Gipasakitan man unta siya sa maong lalaki kaniadto, pero nibalik ra gihapon siya. Sa akong nahibaw–an kay nagbuwag sila sa maong lalaki sa una kay nangabit kini. Pero ambot lang, nisugot ra man gihapon siya nga magbalik sila. Ako na lang sila nga gipasagdan. Sa pagka-karon, nalingaw ra ko sa akong life kauban ang akong family ug friends.  Kanang uyab-uyab, maabot ra na. Wala pa man sad ko kakita og tawo nga akong naganahan.

Daghang salamat Banat News sa paghatag ninyo og pagtagad sa akong story.

Mo-request na lang ko sa lyrics sa Kung Di Rin Lang Ikaw by December Avenue

Hi Niño Jay ! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini: Love Story C/o Banat News