Love story

Dear Banat News,

Maayong adlaw sa tanang suki nga readers sa kinaham nako nga mantalaan, ang Banat News! Kanunay  gyud ko mobasa sa LOVE STORY. Ako diay si Christopher, 29 years old  ug  nagtrabaho  sa usa ka LGU.

Dugay na gyud ko ganahan mo-share sa akong experience. Lipay kaayo ko kay nakalugar na gyud ko og suwat..

Inspired ko, pero wala ko’y uyab ha. Sure ko mahibulong gyud mo sa akong giingon  nga single ko pero inspired.Sige man gud mi og kita sa akong  ex-girlfriend nga si Edna.

Niadtong February 2018 kay nagka-uyab mi pero nagbuwag pag-abot og July 2018,  kay puros mi na-busy sa among tagsa-tagsa nga trabaho. Nagtrabaho diay si Edna  sa usa ka mahalon nga restaurant.

Gibuwagan ko niya kaniadto kay maglisod daw siya og hatag og time nako tungod sa iyang ka-busy.

Apan   niadtong Mayo  karong tuiga, nabalik bitaw ang among komunikasyon ug nagsugod kini sa dihang nagsagunson ang mga laag sa among barkada.

 Mag-abot gyud mi permi sa mga laag sa among common friends.

Hinuon, wala man mi kalagot sa usa’g-usa bisan pa man sa among breakup. Kun dunay mga laag, unya mataymingan nga same mi og  rest day, aw, bonding to the max dayon maong nagkasuod mi og balik.

Dili ko ganahan nga magtuo siya nga  nagpahimulos sa higayon bisan nagkasuod mi og balik.  Pero wala ko kaantos gihapon, nibalik ang akong  feelings  kaniya pero dili nako modiskarte kay daan na siya nga niingon nga mopahuway una siya og uyab-uyab.

Magsige baya mi  og chat  pero  moana gyud siya nga kontento na siya sa among sitwasyon karon.  Okay ra siya nga friends mi.

Gisultian sad ko niya nga   dili ko angay nga ma-pressure ug wala ra siya’y problema kun  maka-uyab  ko og laing babaye, kay  wala baya mi nagbalik.

Igo ra gyud siya mokatawa kung moaksyon ko og diskarte niya.

Bisan pa man nga wala mi nagbalik, happy ra kay ko kun siya akong kauban.  Mahulog nga wala mi label pero ang among mga aksyon kay same ra niadtong uyab pa mi.

Wala ta kahibalo puhon basin ra diay mosugot siya nga magbalik mi. Sa pagka-karon, dili lang nako pugson aron dili siya  ma-imbyerna nako. Nag-enjoy lang mi karon,  basta love gihapon nako si Edna.   Mo-request lang ko sa lyrics sa  Tonight by FM Static.

Hi Christopher! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini:

Love Story C/o Banat News