Love story

Dear Banat News,

Maayong adlaw sa tanang  suking readers sa Banat News! Permi gyud ko mag-atang  sa LOVE STORY, ako diay  si Karena, 30  years old ug nag-work ko karon sa usa ka pharmacy. 

Pipila nako ka buwan nga single, ug wala pakoy plano nga mosulod og balik sa usa ka relasyon kay samokan pako anang butanga. Seguro nakaingon ko ana tungod  sa kasakit nga akong nahiagoman sa breakup sa katapusan nako nga nauyab nga si  King.

Nagkauyab mi ni King  tungod  sa rekomendasyon sa akong mga higala hangtod nga na-develop ra pud ko niya.

Nadala gyud mi sa sungog-sungog. Magkasabay man gud mi sa una sa mga laag tungod sa among common friends.

Guwapo si King, pero mubo lang gyud. Nadala ko sa iyang pagka-gentleman hinungdan nga na-develop gyud ko.

Sa wala pa siya nanguyab nako, nagsige nami og date,  makaingon ko nga cute kaayo siya og pamaagi sa pakig-date kanako.

Dili siya hilig  mokaon og social nga mga kan-anan.   Mangaon mi sa mga kilid-kilid ra gud, like barbecue, siomai store  ug larangan.

Pag-abot og February 15, 2018, pormal na nga nanguyab si King dinhi kanako  ug ako dayon siya nga gisugot. Dili ko kalimot, ako siyang gisugot sa dagkotanan sa Basilica.

Happy kaayo mi, ug wala gyud nausab ang batasan ni King bisan uyab nami.  Gentleman,  guwapo  ug ayaw na lang huna-hunaa ang iyang height hehe.

Pinangga kay ko ni King, usahay mag-road trip rami bisan asa.  Mangaon sa paborito namo nga  pagkaon sa  kilid-kild. Magkasinabot sad gi nga  one-on-one inom.   Bilib kay ko ni King kay wala gyud ko kasuway nga giaway ko niya. Mas ako pa ang kusog kaayo makiglalis niya. Pero mawala ra sad ako sapot niya kay dili man gud mosukol, igo ra mokatawa nga pina-cute.

  Medyo pribado gamay ang among relasyon. Ang nakahibawo lang  kay ang pinili nga suod lang nga  higala.  Gusto lang ko nga malayo sa intriga si King ug malikay pud siya sa istorya sa mga tawo.  Malipayon rami kaniadto sa among pribadong relasyon kay layo sa komento sa mga tawo.

Wala nako damha nga pag-abot og November 2018,  kalit namiya si King nga walay gisulti nga rason. Nisulti siya nga hunungon na namo ang relasyon.  Bisan unsaon nako og pangutana sa iyang rason, dili gyud siya motubag. Wala koy mahimo, akong gidawat iyang desisyon kay dili sad ko ganahan nga ako ipilit ako self kaniya. Pagka-sunod adlaw niana, ako na lang nadunggan nga nagbalik sila si King ug ang iyang ex.  Igo rako ni-smile  ug sakto gyud akong panagna kaniadto nga buwagan ra gyud ko niya ug mobalik siya sa iyang  ex.  By the way, usa diay ko ka gay.  Mo-request diay ko sa lyrics sa Decode by Paramore.

Hi Karena! Thank you so much sa imong LOVE STORY! Paabuta ugma puhon ang imong request.

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini: Love Story C/o Banat News