Love story
(Banat) - March 19, 2019 - 12:00am

Dear Banat News,

Ako diay si John-John, 24 years old ug taga Barangay Capitol Site, Cebu City. Suki gyud ko nga reader sa Banat News. Malingaw gyud ko mobasa sa LOVE STORY matag Martes.

Duna koy uyab karon, iyang name kay  Kizhia, 23 years old  nag-work siya sa restaurant.

Same ra mi og barangay, apan dili mi pareho og sitio nga gipuy-an. Tulo ka tuig na ang relasyon namo ni Kizhia.

Sa tinuod lang wala gyud ko nanguyab kaniya. Sweet lang gyud kaayo  ming duha basta mag-uban mi. Mura gyud og uyab ang among linihokan. Prangka nga pagka-istorya, ang babaye maoy ganahan kaayo nako.

Maikogon kaayo ko nga pagkatawo, siyempre ako ra pud nga gisakyan ang ka-sweet ni Kizhia kanako.

Hangtod nga naabot ang panahon nisulti siya kun puwede ba himuon ko niya nga temporaryo nga uyab. Puslan man daw nga wala pakoy uyab, may pa daw nga siya lang una ang mobarog nga uyab nako. Nakugang gyud ko sa iyang gisulti pero mura sad ko og na-challenge, kay girl na mismo ang nihangyo maong nisugot na lang ko.

Matawag nga ako siyang uyab pero wala koy feelings kaniya. Kun naa ang akong friends, siyempre mosulti ko nga uyab mi. Pero sa mga tawo nga dili nako close, moana  gyud ko nga single ko. Tulo na ka tuig ang among relasyon, pero sa tinoud lang, wala jud koy feelings kaniya. To be honest kanang three years, putol-putol ang among relasyon ana. Dunay usahay, wala mi klaro, ug dili magtingganay og pila ka semana.  Apan si Kizhia gyud ang magpakiluoy ug siya permi mogukod kanako. Wala ko nanghambog, taas ko’g respeto sa mga babaye, pero wala jud koy gusto niya.   Bale respeto na lang gyud na akong pagsakay sa iyang ka-sweet. Maikog sad ko sa iyang ginikanan nga nisalig kanako.

Bisan unsaon nako og huna-huna dili man gyud ko ma-inlove niya uy. Seguro ang iyang pagkabata-bataon maoy rason nga wala ko ma-develop niya. Sa tinuod lang mura ko og napriso sa among sitwasyon.  Tungod aning sitwasyona, magtago-tago lang ko kun  duna koy laing ka-date.  Duna koy  ka-char char karon nga ginganlan og  Rina, ug nasayod siya sa akong situwasyon.  Magtago-tago mi og date ni Rina ug naluoy baya ko niya kay na-feel niya nga ako siyang kabit. Mutual understanding o MU ang sitwasyon namo ni Rina, apan dili gyud mi kaplastar sa kadaghanan gumikan kay ang pagtuo nila nga si Kizhia gyud ang akong hinigugma.  Akong panghinaot nga maka-ikyas ra ko puhon sa mga kamot ni Kizhia. Mo-request na lang ko sa lyrics sa I Shall Be Released by Bob Dylan.

Hi John-John! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini: Love Story C/o Banat News

LOVE
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with