Love story

Dear Banat News,

Maayong adlaw sa tanang avid readers sa Banat News. Mag-atang gyud ko permi sa  LOVE STORY matag Martes kay malingaw gyud ko. Usahay kiligon, usahay pud kay maguol. Nagdepende ra man  sa  dagan sa  estorya.

Kini pud akong story, kay sure ko makaguol pud. Common ra kaayo akong story pero ganahan lang ko nga ako i-share.

Ako diay si JN, boy,  27 years old  ug  nag-work isip sa usa ka supervisor sa usa ka restaurant.

Pito ka buwan nako nga wala’y uyab ug dugay sad ko nga naka-move on  sa akong  ex-girlfriend  nga si  AA nga nag-work sa usa ka national government agency.

Happy ra man ko sa akong pagka-single sukad mi nagbuwag ni AA, wala pa sad ko kakita og lain.

Nagkaila mi ni AA tungod kay suod kaayo siya sa akong kauban sa work. Nagkaila mi sa dihang ni-jam ko sa barkada sa akong kauban sa akong work.

Pagkita pa lang nako niya guwapahan na gyud ko ug medyo mahinhin pud siya. Nagpabaga gyud ko ug nangayo ko sa iyang FB account.

Sa dihang ako siyang gi-add, iyaha ra pud ko nga gi-accept dayon. Lipay kay ko, kay feel nako, makasugod nako sa akong diskarte.

Ni-chat dayon ko ug gikilig ko kay mo-reply ra man siya sa akong mga chat.

Normal man gyud na sa lalaki nga magpa-puntos, maong sweet pud ko mo-chat niya.  Mangumusta ko niya permi ug mo-chat sad ko og,” udto na, ayaw kalimot og kaon ha para dili ka mapasmo.”

Kun padulong na siya matulog, dili sad nako kalimtan ang pag-chat niya og “good night”.

Inigpadulong niya sa trabaho, dili gyud ko makalimot sa pag-ingon niya og,” amping permi ha.”

Pag-abot  og duha ka buwan nga  pagpa-cute nako kaniya,  nanguyab ko ni AA ug puwerti nakong lipaya kay gisugot dayon ko niya.  Lami kaayo ang dagan sa among relasyon, apan kalit ra man siya nabugnaw uy  ug ako na lang nadunggan nga nagbalik na diay sila sa iyang former boyfriend. Nakaingon ko nga  panakip butas ra diay ko niya.   Klaro na kaayo nga iyaha rakong gigamit kaniadto aron maka-move on sa iyang ex.

Niangkon siya   nako nga mas love pa niya ang iyang ex nga nagparamdam niya og balik. Wala koy mabuhat mao man ang iyang gusto. Ambot unsay naa sa iyang huna-huna gipasakitan siya kaniadto sa maong lalaki nga nakakita og lain, apan sayon ra kaayo nga nakigbalik kaniya. Iyaha pa gyud nga gidawat.  Sakit kaayo ang iyang gibuhat kanako maong wala gyud nako siya tagda hangtod karon.  Mutuo na gyud ko sa panultihon nga kun mosulod ka sa usa ka  relasyon ang ex sa imong  partner maoy lig-on nimo nga karibal.   Mo-request na lang ko sa lyrics sa Ingat Ka by Silent Sanctuary.

Hi JN! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini:

Love Story

C/o Banat News