Love Story

Dear Banat News,

Hello sa tanang  suki nga  readers sa Banat News! Permi gyud ko mobasa sa LOVE STORY. Ako  diay  si Dina, 28 years old  ug  nag-work sa usa ka  pharmacy.

Dugay na gyud ko ganahan mopadala sa akong story apan karon ra gyud ko nakalugar.

Unom ka buwan na ko nga walay uyab ug naka-move on nako.

Malipayon ra  kaayo ko sa akong kinabuhi karon ug naka-focus ko og maayo sa akong trabaho ug sa organization nga akong gialagaran.

Akong katapusang na-uyab mao si  Niño, 21 ug nag-eskwela sa usa ka unibersidad dinhi sa Cebu City sa   kursong  HRM.

Nagkaila mi ni Niño tungod kay nagkaabot mi sa tapok-tapok sa among common friends.

Didto ang una namong panagkita  ug nakaingon gyud ko nga guwapo gyud siya bisan  mubo siya og height.

Manghod ra kaayo nako si Niño,  maong dili ko ka-blame sa iyang bata-bataon nga batasan.

Human nagpinangayoay og number,  nagkasabot dayon mi nga mag-date. Paborito gyud namo ang usa ka fast food chain .

Nagsagunson ang among date  ug sweet kaayo mi kung mag-chat ug magteksanay mi. Wala baya siya nanguyab nako, apan  amo nang gisabot nga uyab naming duha pinaagi sa among mga lihok.

Sweet kaayo si Niño apan pag-abot  og tulo ka buwan sa among relasyon, kalit man nabugnaw ang iyang tinagdan nako uy. Dili na man mo-text ug mo-chat. Wala’y formal ang among panagbuwag.  Namiya ra man siya og kalit. Ako na lang gidawat  ang kamatouran nga wala nami. Sakit pud baya  ang iyang gibuhat maong naglagot gyud ko niya.

Nadunggan nalang nako  nga  nag-char char diay og balik  si Niño  ug ang iyang ex-girlfriend. Ambot uy  unsay gipakaon sa iyang ex  nga patay kaayo niya sa una pa. Dili rako ganahan nga mo-confront  pa kang  Niño.  Basta wala koy gibuhat niya nga dautan niadtong kami pa. Unsaon taman  basin diay nahupas na gyud ang iyang feelings kanako ug na-realize niya nga ganahan pa diay siya sa iyang ex-girlfriend. Usa sa tig-comfort nako sa dihang  nawala si Niño   mao ang akong ex-boyfriend nga si Tantan.    Pagkahibalo ni Tantan nga gibiyaan ko ni Niño, kuyogan ko niya permi nga molaag aron daw malingaw ko. Padalhan ko niya permi og cake.  Hinoun  friend ra gyud nako si Tantan, ug dili mi puwede magbalik kay   naa naman siya’y girlfriend.  Ang importante nga naka-move on nako sa gibuhat ni  Niño . Mo-request na lang ko sa lyrics sa Decode y by  Paramore .

Hi Dina! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini: Love Story C/o Banat News