Love story

Dear Banat News Hugyaw,

Hello diay sa tanang readers sa Banat News! Ako diay si Christian, 28 years old ug usa ka pharmacist. 

Ganahan gyud ko mobasa og Banat News, ug permi na gyud ko mag-atang sa Love Story matag Martes.

Ako lang i-share ang akong lovelife, nga tulo ka bulan na nga nahanaw. Nagkabuwag na mi sa akong katapusan nga na-uyab nga si Niksa.  Tulo  ka tuig na ang relasyon namo ni Niksa   busa wala ko magdahom nga kalit lang kini maputol.

Nagkaila mi ni Niksa  kay silingan mi ug daghan man gud mi og common friends busa nagkauban gyud mi sa mga laag. Nagkasuod mi og maayo sa dihang duna mi barkada outing, kay niuban man pud siya. Nagka-developay, hangtod nga nagka-uyab gyud. Nindot kaayo ang dagan sa among relasyon, ug grabe na gyud kaayo ang among bonding. Ganahan kay ko ni Niksa , kay buotan ug masinabtanon kaayo nga pagkatawo.

Mura na gyud og gatuyok ang akong kalibotan kaniya kay magsige na man lang mi og kuyog.

Pero ambot lang uy, kalit man nga nabugnaw iyang tinagdan nako, panagsa na lang siya makigkita nako kay busy daw siya. Ako sad mosabot na lang pud permi kay love lagi nako siya pero niabot og pipila ka bulan nga ingon ani ang among sitwasyon.

Mangutana ko kun unsa iyang problema moingon ra man siya nga busy siya ug dili siya ganahan nga magsige ko og pangulit niya. Nangutana ko sa iyang barkada kun unsa man gyud ang problema ni Niksa  nga wala na man siya’y gana nako.  Hangtud nga naabot gyud nako ang estorya nga matud pa nakakita og laing lalaki si Niksa nga bag-o ra niya nga nakaila.

Sakita lagi , hagbay ra diay na nga  iyang gitago.  Ako siya giingnan nga nakahibawo nako sa iyang gitagoan.     Niangkon ra pud siya nga nasayop siya ug natintal gyud siya sa laing lalaki. Natintal siya sa laing lalaki nga matud pa buotan kuno kaayo.  Mura’g gikumot akong kasing-kasing ug dili ko gusto nga mag-antos busa nihukom ko nga makigbuwag kaniya.Nisugot ra man pud siya sa akong desisyon, busa klaro nga nalingaw ra gyud siya sa bag-o niya nga lalaki. Mo-request lang ko sa lyrics  sa  Stolen by Dashboard Confessional.

Hi Christian! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini:

Love Story

C/o Banat News