Love story
Love story
(Banat) - November 20, 2018 - 12:00am

Dear Banat News,

Maayong adlaw suki nga readers sa Banat News! Mag-atang gyud ko permi sa LOVE STORY. Ako diay si Charisa, 21 years old ug usa ka education student.

Sa una dili gyud ko ganahan mo-share sa akong past lovelife. Pero nakahunahuna  ko nga okay ra man diay total, sa una ra bitaw to.

Malipayon ra kaayo ko sa akong pagka-single ug naka-focus ko og maayo sa akong pag-eskwela.

Akong katapusang nauyab mao si Jan-Jan, 24 ug nag-eskwela sa usa ka unibersidad dinhi sa Cebu City sa kursong AB Finance.

Same mi og barangay nga gipuy-an ni Jan Jan ug lahi lang among mga sitio.

Nahulog ra man nga kababata ming duha hangtud nga na-develop gyud sa usa’g-usa gumikan sa among kasuod.

Guwapo baya si Jan-Jan pero mobu lang gyud og height. Pero okay ra man kay mabawi ra man sa iyang kaguwapo.

Niabot og tulo ka tuig ang among relasyon.Pag-una kay amo ra nga gihilom pero wala may aso nga makumkom kay halata na man pud sa among mga lihok. Naabot ang panahon nga grabe na gyud ka busy si Jan-Jan sa iyang pag-eskwela maong panagsa  na lang siya makigkita nako.

Hangtud na-feel nako nga mura’g wala na siya’y gana nga mo-text o mo-chat nako.

Naanad man gud ko nga dunay mo-text nako og “good morning babe” o ba kaha “good night babe I love You.”

Ambot lang uy, kalit ra man siya kabugnaw nako . Ganahan unta ko mangutana niya  pero hasulan na man gud ko. Malouy ra ko sa akong self kung ako ipugos akong self kaniya.

Laktod pagka-estorya, ako gipasagdan ang pagkabugnaw sa among relasyon. Dili ko ganahan nga ako ang luoy. Siya ra man ang kalit nga nabugnaw busa dili na kinahanglan nga inudnod nako akong self kaniya.

Wala mi formal nga break-up maong sakit pud baya gamay.Wala na man siya mo-communicate nako. Naa pud koy pride uy. Dili ko ganahan mogukod kaniya. Guwapo tuod siya pero walay baruganan modala og relasyon. Mamiya lang og kalit  dili mananghid.

Kun magsugat mi, dili gyud ko motagad kaniya. Daghan ang mangutana kun unsa daw ang rason sa among break-up apan “ambot” ra gyud ang akong matubag.  Dapat unta niprangka siya og tarong nako  nga dili na siya ganahan magpadayon sa among relasyon. Namiya ra man og kalit uy. Sakit pud baya pero akong dawaton. Nagbuwag diay mi, niadtong June karong tuiga. Mo-request na lang ko sa lyrics sa The Lonely by Christina Perri.

Hi Charisa ! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini:  Love Story C/o Banat News

LOVE STORY
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with