Love Story

Dear Banat News,

Maayong adlaw sa tanang tigbasa og LOVE STORY sa Banat News! Permi gyud ko mag-atang  niini nga segment, ako diay  si Chrisna,  24 years old , nag-eskwela og kursong HRM.

Naa ko’y uyab ron siya si John,  pareha mi og edad  ug usa siya ka tambay. Sa tinuod lang gikapoy nako og tambag sa akong uyab nga mo-eskwela apan dili gyud mopatuo.

Dunay times malipay ko kay mosaad na siya nga mo-eskwela og balik apan dili man magdugay uy,  moundang ra pud dayon nag-usik usik lang gyud sa kuwarta, Wala maghuna-huna sa nagastos sa iyang ginikanan. Nagkaila mi ni John, tungod ra pud sa akong high school friends  ug sa sinugdanan dili kaayo ko ganahan niya kay lagi nakita nako nga tambay ug mura’g wala ‘y plano sa kinabuhi.

Ambot uy, igo ra man nako gikaon ang akong gipanulti kay sa pagsige namo og uban og laag  na-develop na man hinuon ko niya  uy busa sa dihang nanguyab siya nako ako ra pud siya nga gisugot.

Bisan nga buguyon siya nga pagka-lalaki usahay kiligon jud ko sa iyang pagka-gentleman.

Dunay ubang friends nako ang nahibulong  kun nganong gisugot nako si John nga dili man unta siya ang akong ideal guy.

Mao nay ginaingon nga dili gyud mahibaw-an ang panahon dili ka mag-expect nga kalit lang mopitik ang imong kasing-kasing sa tawo nga kalit moabot sa imong kinabuhi.

Permi gyud moingon ang akong mga suod nga higala nga wala gyu’y ayo ang akong uyab pero wala gyud ko manumbaling kanila.

Naa pa ko’y feelings kang John,   apan kun dili gani siya mag-usab mohukom na gyud ko sa saktong panahon nga ako siya nga biyaan bisan sakit alang kanako.

Ganahan gyud ko  nga humanon  niya ang iyang pag-eskwela  kay kun engkaso nga kami ang magkaminyo  dili  lisod ang among kinabuhi.  Magsige ra ko og tambag niya   ug nisaad siya nga buhaton niya kini sa sunod nga semester.  Kun dili gani niya matuman ang iyang saad segurado nako nga ako siya nga buwagan. Bisan kinsa kanato dili  gyud gusto og lisod nga kinabuhi busa gusto ko nga responsible ang tawo nga akong mabana puhon. Mo-request diay ko sa lyrics sa  Vindicated  by Dashboard Confessional.

Hi Chrisna! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini: Love Story C/o Banat News