Love story

Dear Banat News,

Basta  Martes  na gani  excited na gyud ko mobasa og Banat News, kay malingaw ko sa  Love Story, ug ako na pud karon ang mo-share sa kaagi nako sa gugma.

Ako diay si V, 24 anyos ug taga Inayawan, Cebu City,  usa ka call center agent.

Duha ka buwan nako nga single ug ako lang i-share ang katapusan nako nga  lovelife.

Katapusan nako nga nauyab mao si J, 24 anyos ug nag-work sa usa ka accounting firm.

Nagkaila mi ni Jay tungod  naka-judge siya sa usa ka  contest nga akong giapilan sa among sitio.

Niapil ko kauban ang akong mga  silingan sa Got Talent, sayaw among talent  ug usa si Jay sa nahimong judge kay giimbitar siya sa presidente sa among  youth sa among lugar.

Nahibulong ko  kay pagkahuman sa show, niduol ang among president ug niingon nga mangayo daw og number nako ang usa sa mga judge.

Dili man ko arte nga pagkatawo nihatag ra pud ko.  Sa dihang naka-uli nako, ni-text dayon siya.  Nagpaila siya sa iyang self, ug nidayeg siya kay maayo daw ko mosayaw.

Kay wala man koy lingaw ako ra pud gitubayan ang iyang mga text. Hangtod nga nanghagad siya og date nako.

Sweet kaayo siya kay sa una namong date, gidalhan man dayon ko niya og flowers uy. Consistent ang iyang  ka–sweet matag kita namo. Seguro tungod sa kabuotan niya  na-develop ra pud ko, maong ako dayon siya gisugot sa dihang nanguyab si J kanako.

Pag-abot og duha ka buwan sa among relasyon, nagkahilaw na man siya uy kalit lang nga nawad-an og gana sa among relasyon. Dili na siya mo-text nako dili na siya makigkita nako. So nahulog nga pinakalit to nga buwag.  Wala’y closure nga buwag, kay dili na man pud siya mo-reply sa akong mga chat ug text.

Sakit kaayo sige na lang ko hilak pero wala koy mahimo siya ra man kalit nga namiya nako.  Sa dihang pag-abot og pipila ka semana nagparamdam bitaw siya og balik  wala siya mangayo og sorry, igo ra siya nisulti nga na-busy ra gyud siya sa iyang work.

Kay love man nako wala na lang ko magkuti-kuti para dili mi maglalis, so back to normal ra among relasyon nga mura ra og walay nahitabo.

Pag-abot na pud og usa ka buwan, wala na pud siya nagparamdam, nibalik na pud ang iyang batasan nga mokalit ra og wala.

Sakita lagi ako na lang ang naluoy sa akong kaugalingon kay sayun-sayunon ra man ko niya og biya uy nga dili mosulti sa rason.

Duha ka buwan na ang nilabay human sa  ikaduha namo nga break-up nga walay closure. Kun magparamdam man gani siya og balik dili nako motagad niya. Baga kaayo siya og nawong kalit lang namiya.   Nakadungog ko’g isyu nga naa daw siya uyab lain.  Dunay  tawo nga nakasulti nako nga naa nay  uyab daan si J sa dihang wala pa mi nagkauyab.  So kabit diay ko sa dihang uyab mi ni J.  Iyaha ra diay ko gilimbongan nahulog na hinuon nga dautan ko kay kabit man ko niadtong higayona.  Wala na koy mahims nahitabo na man.   Mo-request lang ko sa lyrics sa  Love The Way You Lie by Eminem and  Rihanna.

Hi V! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini: Love Story C/o Banat News