Love story

Dear Banat News,

Maayong adlaw sa tanang readers sa Banat News tawga lang ko sa pangalan nga Mori, 28 years old ug nagtrabaho isip call center agent.

Malingaw gyud ko mobasa og Banat News, ilabi na sa Love Story every Tuesday.  Niadtong January, nakabasa ko og story  about sa lalaki nga nakauyab og gay.

Tungod ato na-interesado na hinuon pud ko nga magpadala sa akong love story.

By the way usa ko ka gay ug duna ko’y uyab ron nga lalake nga ginganlan og Niño,  25 years old, call center agent pud siya pero sa laing company.  Happy ra ko  karon sa among relasyon pero  dili mi halata ug amo ra nga suod nga mga higala ang nakahibalo.

Kon mag-uban ming duha atubangan sa daghang tawo, dili gyud mi magsikit nga mura ra gud og higala. Sweet lang mi kon naa mi sa atubangan sa among mga higala nga nakahibalo sa among relasyon.

Crush gyud nako si Niño sa una pa kay kita man gud ko niya nga maglaagan uban sa iyang barkada dapit sa amoa.

Ako siyang gi-add sa Facebook ug wala ko nag-expect nga iyaha kong i-accept. Mura gyud ko’g gibayaw sa langit tungod sa akong kalipay nga iyaha kong gi-accept busa wala ko maglangan nipadala ko niya og message nga ‘hi”.

Samot ang akong kalipay kay ni-reply siya og, “hello”. Sugod ato nag-chat-chat mi. Kon basehan sa among conversation, friendly ra gyud si Niño kay igo ra siya motubag kon unsa ako mga pangutana niya. Sa dihang nangutana ko niya kon duna ba siya’y uyab niangkon dayon siya nga naa na siya’y uyab  ug duha ka tuig na ang ilang relasyon.

Nakaingon ko’g ouch sa iyang rebelasyon  pero, okay ra man nako wala man sad ko nag-assume nga magka-kami. Para nako kontento nako nga nagka-chat chat mi panagsa ra ba gyud na nga mahitabo nga replayan ka sa imong crush sa chat.

Pag-abot og pila ka buwan sa pagsige namo og chat nisulti siya nga nagbuwag sila sa iyang uyab  kay  duna kini kabit.

Mao to nagkasinabot mi nga magkita sa personal para ako siya i-comfort. First time gyud namo mag-uban mi sa personal para mag-estorya maong gikulbaan ko og maayo.

Pagkita namo gisultian ko niya nga dugay na diay siya nga gibinuangan sa iyang  girlfriend.  Kapila na niya kini nasakpan pero pasayluon gihapon niya pero naabot na gyud sa point nga wala na siya kaantos kay mangabit ra man gihapon.

Nihilak si Niño sa ako atubangan kay nasakitan siya og maayo sa ilang break-up. Sugod ato ako ‘y tig-comfort sa bisan unsa niya nga problema.  Sa among kasuod,  ni-grabe ang akong feelings niya.  Niangkon  ko niya sa akong feelings ug  igo lang siya nipahiyom pag-una.  Wala gyud nako siya pugsa ug naabot ra sad ang panahon nga naka-learn siya og love nako. Nagka-uyab gyud ming duha. Mahadlok ko nga magkabuwag mi pero ako na giandam ang akong kaugalingon sa maong possibility.

Salamat kaayo sa Banat News sa paghatag ninyo og pagtagad sa akong tampo. Mo-request ko sa lyrics sa The Way You Look At Me by Christian Bautista.

Hi Mori! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini: Love Story C/o Banat News.