PSC-Pacquiao Cup Visayas quarter finals banatan karon
CEBU, Philippines — Ang giatngan nga Visayas quarterfinals sa PSC-Pacquiao Amateur Boxing Cup mosikad na karong adlawa didto sa Enan Chiong Activity Center (ECAC) sa Naga City, Cebu.
Miabot sa 62 ka boksidor gikan sa nagkadaiyang siyudad ug probinsiya sa Kabisay-an naglaraw nga makaangkon og luna sa semifinals nga gikatakda karong Marso 10 didto sa San Jose, Antique. Ang The Visayas Finals karong Marso 31 didto sa Maasin City, Southern Leyte.
Sa kinatibuk-an, 13 ka mga Sugboanon ang mopakita sa ilang abilidad ning duha ka adlaw nga sinukmagay.
Pito niini gikan sa Team Omega-Mandaue nga mao sila si Alex Andrhei Bonita (44-46 kgs.), Jim Paul Dignos (48 kgs.) ug Gaudfrey Lubiano (50 kgs.) sa junior boys division ug Arlan Wenn Melgo (46-49 kgs.), April Jay Abne (52 kgs.), Jhorhe Pasculado (56 kgs.) ug Jarah Hury Aragon (60 kgs.) sa youth boys category.
Lima ang moaway ubos sa Team Cebu City nga mao sila si Angelo Bulasa Jr., Eduardo Jimenez, Jake Tabanao, John Paul Gabunelas ug Limbert Cainap, samtang si Jimmybie Cais (youth boys, 46-49 kgs.) maoy bugtong representante sa Cebu City Sports Institute.
- Latest
