Love Story

Dear Banat News,

Maayong adlaw sa  tanang readers sa Banat News. Tawga lang ko og Dina, 27 years old ug nagtrabaho sa usa ka coffee shop nagpuyo ko karon  sa Banilad, Cebu City.

Taod-taod nako nga wala’y uyab nga katapusan nako nga na-uyab mao si Christopher nga taga Capitol Site.

Nagkaila mi niya  kay  ex-boyfriend man siya sa usa nako ka barkada kahibalo ko nga kiwaw kaayo  kay salin ra siya sa akong friend.

Unsaon taman uy  na-develop man mi sa usa’g-usa. Pero wala may sapaway nga nahitabo.  Usa ka tuig sukad sila nagkabulag sa akong amiga  diha   ra sad mi nagka-uyab.

Nagsugod man gud sa text ug sa chat sa Facebook. Nahibulong ko, kuhaon na man ko niya permi sa trabahoan.  Wala gyud ko mosaba sa akong amiga niadtong higayona kay maulaw ko, basin lahi unya ang iyang masulti.

Naabot ang panahon nga kusog na kaayo siya mo-comment sa mga post nako sa Facebook.

Kana ganing comment  nga klaro kaayo nga nagpa-cute. Medyo halata na man kaayo maong nisulti na lang gyud ko sa ako amiga nga nidiskarte si Christopher  nako pero wala pa lang nako sugta kay  kiwawan ko. Nagtuo ko nga mo-support ra akong amiga nga ex ni Christopher. Ang iyang gisulti dili daw ko angay magpadala ni Christopher nga pul-anon daw.

Bisan pa man sa pahimangno sa akong amiga nadala gyud ko kang Christopher, ako gyud siyang gisugot.

Siguro nadala ko sa sweet messages ug sa gipakita niya nga mga lihok nga makapakilig nako.

Napul-an na og tambag ang akong amiga ug kever na siya sa nahimo nakong desisyon. Pag-abot og duha ka tuig sa among relasyon ni Christopher, nakaingon gyud ko nga tinuod ang gisulti sa akong amiga.

May pa nituo na lang gyud ko sa iyang gisulti nga pul-anon nga pagkalalaki si Christopher.

Dako kaayo ang akong pagmahay nga wala ko naminaw sa tambag sa akong amiga nga nauyab kaniadto ni Christopher.

Kalit ra man nahilaw ang tinagdan ni Christopher uy wala na’y gana nga mo-text ug mo-chat nako.

Ang iyang pasangil kay busy daw siya sa iyang work. Karon na lang siya moingon ana nga dugay na man siya nga busy. Makahatag man lagi siya og time nako sa una bisan busy siya.

Tungod sa akong kalagot ako siyang giaway og maayo.  Didto siya niprangka nga ka buwagon na siya nako kay napul-an na siya sa among relasyon. Ipasangil niya permi   mao ang akong pagkapalaaway.  Sa tinoud lang mangaway ra man ko kon makasala siya. Kinsa man sad kong buanga nga magyawyaw kong walay sala nga nabuhat ang usa ka tawo? Gihimo ra to niya og rason para  magkabuwag mi. Wala nako mo-fight sa among relasyon ug nisugot ko nga magbuwag mi.

Pag-abot og pila ka buwan nagparamdam siya nako. Nangayo siya og sorry ug ganahan na pud daw siya makigbalik nako. Wala ko mosugot husto na ang kasakit nga akong naantos sa una. Sige siya pamugos nga magbalik mi, pero wala nako siya panumbalinga. Mo-request lang ko sa lyrics ug chords sa Can We Just Stop And Talk Awhile by Jose Mari Chan.

* * *

Hi Dina! Thank you so much sa imong LOVE STORY! Paabuta ugma puhon ang imong request.

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini: Love Story C/o Banat News