Love Story

Dear Banat News,

Maayong adlaw sa tanang readers sa Banat News. Tawga lang ko og C, 28 years old ug nagtrabaho isip call center agent. Nagpuyo ko karon  sa Banilad, Cebu City.

Permi gyud ko mobasa og Love Story kay malingaw gyud ko.

Naa ko’y uyab karon siya si D, 28 years old  ug nagtrabaho   sa usa ka restaurant.

Duha ka tuig na ang among relasyon ug sama sa uban naa pu’y times nga nagbuwag mi pero magbalik ra pud dayon.

Nagkaila mi tungod ra pud sa among mga kaila. Pag-una nakong kita niya nag-heart-heart na gyud ang akong mga mata.

Nangayo ko og cellphone no hangtud nga nagteksanay ug nag-date date dayon sa hilom.

Sa pagsige namo og date na-develop mi sa usa’g-usa.

Bisan sa kadugay na namo gamay ra ang mga tawo ang nakahibalo sa among relasyon.  Inyoha ra nga mahibaw-an ang rason sa katapusang bahin  sa akong  sinuwat.

Ganahan kay ko ni D, basta siya  gani akong kauban, mawala ang akong kapoy,  ug positive vibes gyud ang atmosphere. Wala gyud baya nako damha nga magkauyab mi kay nagtuo gyud ko sa una nga artehon nga pagkatawo, kay dili man gud kaayo siya hinagad.

Apan niana siya nga dili lang gyud siya hinagad sa dili close niya nga tawo kay maulawon man gud siya.

Kon busy mi sa trabaho dili gyud mawala ang among komunikasyon.  Maong ganado kay ko sa work, kay sweet kaayo siya mo-text, mawala ang kakapoy sa work.

Sa manag-uyab, dili pud malikayan ang mga lalis. Masuko ko kon dugay mouli  si D sa time nga molaag siya.  Gawas seguro kun naa ko, kay okay ra nga magdugay  siya og uli  total naa man ko sa iyang kilid.

Pero dili gyud ko mahimutang nga molaag siya nga wala ko protective  man gud ko pagka-uyab.

Nagkadugay akong gihinay-hinayan og biya  ang maong klase nga batasan dili sad ko ganahan nga matuok siya sa among relasyon.

Kanunay ra ko mopahinumdom niya nga mag-amping gyud permi basta molaag siya ug kinahanglan mo-update siya nako if nakauli na siya.

Sa usa ka relasyon kinahanglan gyud ang pagsinabtanay so  hinay-hinay nami anang mga lalis.

Ug balikon nako pag-ingon tago ug gamay ra kaayo ang nakahibalo sa among relasyon kay kabit ra ko sa kinabuhi  ni D.

Kahibalo ko nga dili maayo ang among binuhatan, pero wala ko kahibalo kon unsa akong buhaton kon mawala siya sa akong kinabuhi. Gitambagan nako sa akong friends nga undangon na nako ang among relasyon, apan dili gyud nako mabuhat ang ilang gitambag.  Kon unsa gani ang padulngan sa among relasyon, ako na lang gyud dawaton, wala man koy mahimo. Daghang salamat Banat News sa paghatag og pagtagad sa akong suwat.

Mo-request lang ko sa lyrics ug chords sa Upside Down by 6CycleMind.

Hi C! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini:

Love Story C/o Banat News