Love Story
Dear Banat News,
Hello sa tanang readers sa Banat News. Tawga lang ko og J, 27 years old ug nagtrabaho isip call center agent.
Malingaw gyud ko mobasa og Love Story, maong pirme na gyud ko mag-atang ani mata’g Martes.
Wala ko’y uyab pero nalingaw ko tungod sa akong ka-char char. Ang problema ani ron ako ang pildihonon.
Dili mi puwedeng magka-uyab kay naa man gyud siya’y uyab. Ang name sa akong ka-char char kay si M.
Nahulog ra pud nga mura ko’g kabit kay tago-tago baya mi kon magkita mi.
Nagkaila mi ni M tungod ra pud sa among common friends. Kun wala siya’y uyab, seguro nidiskarte nako niya kay guwapa pud baya bayhana.
Lima ka buwan na me sa ingon ani nga situwasyon lami na kaayo siya panguyaban pero dili man sad puwede uy.
Magsige ko’g ingon niya nga kon magbuwag sila sa iyang uyab andam ko mosalo. Pero hangtud karon wala pa man sila nagbuwag. Ambot lang sad aning bayhana kusog man sad kaayo mosikit nako. Siyempre lalaki gud ta dali ra sad ko madala.
Ako hinuon gikontrol akong gibati bisan char-char ra mi wala gyud ko nanghilabot sa iyang pagkababaye kay morespeto jud ko anang bayhana.
Gitambagan ko sa akong friends nga dapat nako molikay niya pero dili gyud nako mabuhat ay.
Mingawon man dayon ko niya gud nakaingon ko, paeta, paasa ra kaayo ang among sitwasyon kay naa nama’y tag-iya niya.
Nakapangutana ko sa akong kaugalingon hangtud kanus-a pa kaha ni kutob ang among sitwasyon.
Nag-enjoy ra man sad mi sa among sitwasyon karon. Panagsa ra me magteksanay, aron dili mi masakpan sa iyang uyab.
Pang-girl man daw ang akong name nga nakabutang sa iyang phone book. Naugtas na akong friends kay basin daw masakpan mi sure daw nga mapuno ko sa bun-og kay segurado daw nga makulatahan ko sa iyang uyab.
Kun unsa man gani ang mahitabo puhon wala jud ko’y mahimo kay kahibalo ko na sala pud nako kay nisakay ko sa ka-sweet ni M. Mo-request lang ko sa lyrics ug chords sa Dahil Sayo by Iñigo Pascual
Hi Joseph! Thank you so much sa imong LOVE STORY! Paabuta ugma puhon ang imong request
Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate aron matarong og basa.
Mahimo sab nga pinaagi sa snail mail. Ang atong address mao kini:
Love Story
C/o Banat News
- Latest