Misamot ang gugma ni Peryong kang Isabela ungo
Sugilanon - Carmelo D. Lariosa (Banat) - October 27, 2014 - 12:00am

Unang gugma ni Peryong si Isabela. Apan mora’g supak ang iyang tatay Olong ug nanay niya Pikta kay lagi si Isabela gidungog man didto sa sityo Pahak-Abokado nga duna na kunoy gibalbal. Apan dugay na kadto kay dihang namatay si Dolfa ug dayon si Enong wala na may nabalbal sa ilang dapit.

Ug karon nga nahibawo na ang mga ginikanan ni Peryong nga si Isabela kaliwat diay og ungo  kanunay nilang pahimangnoan ang ilang anak nga dili na lang padayonon ang iyang pagpakigrelasyon sa dalaga, kay lagi ungo kini.

“Ungo gud tawon, uy. Kanang ungo, Nay, Tay, namugna na sa mga tabian,” ni Peryong pa nga mirason.

“Apan, Peryong, si Isabela kaliwat og ungo, tingali’g magmahay ka lang unya sa umaabot nga mga adlaw,” ni nanay pa niya Pikta nga mipasabot pag-ayo sa ulitawo.

“Aw, unsaon ta man, kun tinuod man ugaling,” ni Peryong  pa mora’g gibaliwala lang ang sulti sa iyang inahan.

Usa ka gabii, namisita si Peryong kang Isabela. Dihay tingog sa wakwak ang iyang nabati dihang misaka na siya sa hagdan sa balay nilang Isabela.

Si Isabela na lang usa ang nagpuyo kay lagi bugtong man siyang anak. Unya, may nabati na pud si Peryong nga hinugan-ob ug linagubo sa sala nilang Isabela.

Morag dunay butang nga nahulog sa taas nilang Isabela. Ug sa iyang pagsusi maoy mibantang si Isabela nga usa na ka mangtas.

Mikatawa kini, “he, he, he, he, he he, Peryong, husto man sila si tatay ug nanay nimo nga kami kaliwat og ungooo, wakkkk! Wakkk!” Ug giduol niini si Peryong nga nakuratan sa iyang nakita.

“A, kuan, kining, Isabela, Mangtas ka diay?” ni Peryong pa.

“Oo, ug dali na mahal ko, duol kanako, kay isuroysuroy ko ikaw sa kahanginan, aron malingaw ka,” ug gikuptan ni Isabela si Peryong ug gisapnay ug dayon milupad kini nga dala na si Peryong. Gibati’g kalalim si Peryong, ug misamot ang iyang gugma sa dalagang mangtas. (Katapusan)

APAN DIHAY DOLFA ISABELA IYANG PERYONG PIKTA SI ISABELA
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with