Prinsipyo sa pari batok sa sugo sa Ginoo

TINGOG SA KATAWHAN - Javier Y. Tapulado (Banat) - January 7, 2014 - 12:00am

May alagad sa Diyos nga ang kinaiya dili masabot. Kay siya maoy nagdala sa parokya, ang iyang tingog maoy hawod. Busa, maoy matuman. Bahala na’g ang maong mando nahisupak sa kabubut-on sa Ginoo.

Adunay gustong mosulod pagka-lector. Gikan sa pagka-elementariya hangtod pag-graduwar sa maong aplikante sa kolehiyo, daghan na kaayong relihiyosong seminar ang naagian. Kini, wala’y labot niadtong pagsige niya’g tambong sa mga Spiritual lecture niadtong 5 anyos pa siya, diin pari ug madre maoy mangunay sa pagtudlo. Pun-an pa, nga tanang eskuylahan niyang naagian may subject gyud nga gisingit sa ilang curriculum. Ug dili makagraduwet ang estudyante kun dili makapasar niini. Usab, ang maong aplikante, naka-attend na’g Charismatic ug Samaria retreat.

Duha ray gipangayo sa maong pari niadtong parokyano nga nangandoy’ng mag-lector: kinahanglang mo-attend sa Samaria ug Cursillo nga seminar. Busa, misumiter ang maong aplikante og bio-data ngadto sa pari, kinsa nangayo niini. Regular speaker pa gyud ang aplikante sa tinuig nga Siete Palabras. Buanga, wa’ man siya dawata sa pari kay wa’ pa kuno siya’y cursillo. Sa kadaghang seminar, lecture ug retreat nga iyang naagian, gi-turn down lang gihapon ang iyang kinasingkasing tumong sa pagpangalagad. Giserohan gihapon siya sa pari. Luoya lagi!

Naglibog ang aplikante. Tungod kay God is so good.God is so understanding. God is so considerate. And God is so love. Pero, wa’ man ni puy-i mga pulonga diha sa kinaiya sa pari? Ang sugo baya sa Ginoo usa ra gyud: “Love!” Apan wa’ lagi ni sunda sa pari, do! Tungod ba, kay ang  prinsipyo sa maong pari maoy hawod dinhi sa yuta? Tinuod gyud diay ang nahisulat sa bibliya: “Nga ang Ginoo usa ra gyu’y sugo. But man makes millions of law which are all against the commandments of God.

Archbishop Jose Palma, diyosnon pa ba kining gibuhat sa maong pari? Di ba miingon man ang Ginoo, nga panuktok ug ablihan ka? Pangayo ug hatagan ka? Mga pari maayo kaayong magsige’g balikbalik ini sa ilang homily. Pero wa lagi mangabli ug manghatag ang maong pari? Ngano man?

Archbishop Palma, nindot unta nga makuhit ni nimong paria, da! Basin pa diay, ang katig-a sa iyang kasingkasing mahumok ug malanay sa imong mga pulong.

Daghang anihunon pero diyotay ra ang mga mangangani. Unsaon, pirme mang babagan sa maong pari!

ARCHBISHOP JOSE PALMA ARCHBISHOP PALMA BUSA GINOO MAONG PARI PERO SIETE PALABRAS
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with