Nagbaha ang hinabang sa mga biktima ni Yolanda
Romeo Limpangog (Banat) - November 16, 2013 - 12:00am

Human sa gipakitang kabangis sa bagyong Yolanda nga mikusokuso sa Samar, Leyte, Iloilo ug amihanang bahin nga kalungsoran sa lalawigan sa Sugbo maoy gipakita sa katawhan sa tibuok kalibutan ang ilang kalumo sa kasingkasing kay ilang gitubag ang panginahangalan pinaagi sa ilang pagpabaha sa pagpadala og hinabang.

Ang nag-una nga gipadalang hinabang sa mga biktima sa maong katalagman mao ang pagkaon apan subo lamang kaayong palandungon tungod kay nakasinati man og kalangan ang paghatod niini ngadto kanila nga maoy hinungdan nga daghan sa mga biktima ang nag-antos sa hilabihan nga kagutom.

Daghan ang nahimong hinungdan  nga nakaingon sa kalangan sa pag-apud-apod og pagkaon ngadto sa mga biktima nga naglakip na niini ang kalisod sa mga dalan nga kaagian ug ingon man ang kakulang sa sistima alang sa pag-apud-apod niini ngadto sa mga gipanggutom nga mga biktima sa bagyong Yolanda.

Kini maoy wala kapangandami daan sa mga ahensiya sa kagamhanan nga maoy gitahasan sa pagtubag sa panginahanglan sa liboan ka mga tawo nga gipanggutom nga nakaaghat na lamang sa pipila kanila sa pagpanglungkab ug pagpangawat sa  mga tindahan.

Ang bagyong Yolanda maisip nga kabahin lamang sa mga katalagman nga nasinati sa nasud nga Pilipinhon sa nangaging katuigan nga nahitabo usab ang mga pagbaha ug pagdahili sa yuta nga mugna gihapon sa bagyo nga magdala og kusog nga pagbunok sa ulan.

Gani sa wala mahitabo ang bagyong Yolanda mao may nag-una ang dagkong panghitabo karong tuig 2013 nga naglakip na niini ang panagbangga sa barko sa  St Thomas  Aquinas ug MV Sulpicio  Express sa kadagatan sa dakbayan sa Talisay nga mikalas og daghang kinabuhi.

Sa maong hitabo maoy gihimo sa mga Sugbuanon ang pagtinabangay tungod kay sa maong katalagman daw wala man gayod magpakabana niadtong higayona ang nasudnong kagamhanan.

Gisundan kini sa kagubot sa dakbayan sa Zamboanga ug 7.2 magnitude nga linog nga maoy nakasinati og dakong kadaut ang lalawigan sa Bohol ug lalawigan sa Sugbo.

Natandog na ang kadagkuan sa nasudnong kagamhanan sa kagubot sa Zamboanga ug linog sa lalawigan sa Bohol kay gihatagan na man kini og pagtagad pinaagi sa paghimo og pakisusi sa kahimtang sa mga molupyo nga naapektohan ug sa pagpadala og mga hinabang.

Ang kadaut nga nasinati sa gubat sa Zamboanga ug linog sa Bohol ug lalawigan sa Sugbo daw pinalispis lang sa kadaut nga nasinati sa pag-igo sa bagyong Yolanda  sa dakbayan sa Leyte  nga maoy hinungdan nga ang atong kadagkuan sa kagamhanan daw nakalitan ug nakasinati kini og kalisod sa  pagtubag sa dinaliang panginahanglan.

 

BOHOL LEYTE MAOY ST THOMAS SUGBO YOLANDA ZAMBOANGA
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with