_banat
^

Banat Kalingawan

Pahiyom ni Catherine

WILD ORCHIDS - Cindy Jones - Banat

Gula 4

Misamot kasuod si Nestor ug Catherine tungod sa pagbisita sa ulitawo sa gipuy-an sa dalaga. Nagsuginlanay sila sa ilang mga kaagi ug nasayran ni Nestor nga wala nay boyfriend si Catherine.

Bag-o lang g’yud nga nagkabuwag si Catherine ug ang kanhi niya boyfriend pipila ka adlaw sa wala pa sila magkaila ug si Nestor. Wala ililong ni Nestor nga duna siya’y girlfriend.

Gitug-an hinoon ni Nestor ngadto ni Catherine nga taud-taud na nga wala sila’y kontak ug sa iyang girlfriend human kini mipauli sa ilang lugar sa Masbate.

Pag-umangkon sa silingan nila ni Nestor ang nahimo niya nga girlfriend. Dili gayud hinoon kaayo malipayon ang relasyon nila ni Nestor tungod kay kanunay ra sila nga maglalis.

Nanglabay ang mga adlaw ug miabot ang laing Sabado. Gibisitahan na usab ni Nestor ang dalaga ug naabtan niya nga nanglaba sa iyang mga bulingon’g sapot.

Miabut sa huna-huna ni Nestor nga iyang tabangan ang dalaga sa pagpanglaba. “Makamao ko nga molaba Cath kay ako ra ma’y manglaba sa akong mga sinul-ob nga sapot,”giingon ni Nestor si Catherine.

“Swerte g’yud diay ang imong girlfriend kay buotan ka man nga pagkabana,” sagol-komedya ni Catherine kang Nestor. Nakahukom si Nestor nga iyang padungog-dungogon ang dalaga nga may gusto siya kaniya. Gitug-anan ni Nestor si Catherine nga nagbuwag na sila ug ang iyang girlfriend.

“Mibisita siya sa iyang Tiya kaniadtong miaging adlaw ug wala ko maglangan, akong giprangkahan nga magbuwag na mi. Walay lami ang among relasyon Cath,” matud ni Nestor.

“Unya, zero girlfriend ka na diay ron Nestor,” nagngisi si Catherine nga daw nanungog sa ulitawo. Gisakyan dayon ni Nestor ang higayon. “Mahimong dili ko ma-zero sa girlfriend kun sugton ko nimo,” matud ni Nestor. Daw nakalitan si Catherine sa iyang nadungog gikan sa suod niyang amigo.

Gipahimudsan dayon ni Nestor ang pagpakahilom ni Catherine. “Kun imo ko’ng sugton Cath, basin og maangkon ko na ang tumang kamalipayon,” ni Nestor pa.

“Tana uy, timplahan ko usa ka’g coffee kay mora’g nabugnawan ka lang tingali sa pagtabang nimo nako pagpanglaba,” matud ni Catherine.

Wala na mopadayon paghisgot si Nestor sa iyang gugma ngadto sa dalaga. Igo na alang kaniya nga nasayud si Catherine nga may gusto siya kaniya.

Mipauli si Nestor nga nagbawon og kalipay bisan og wala pa siya masayud kun sugton ba ni Catherine. Milabay pa ang mga adlaw ug misamot ang ilang panagsuod ni Catherine ug Nestor.

Buntag sayo, mi-text si Catherine kang Nestor. “Hapi birthday to Me Nestor. Ari unya sa balay ha?” Diha nasayran ni Nestor nga adlaw diay karon ni Catherine. - Sumpayan

ARI CATHERINE GIRLFRIEND GITUG IYANG ME NESTOR NESTOR WALA
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with