^

Banat Imong Kapalaran

Kontrata sa lungsod sa Sibonga sa USA ka music festival gikwestyon

Jonnavie Villa - Banat

CEBU, Philippines — Gi-kuwestiyon sa Commission on Audit (COA) ang P920,000 nga bahin sa P3.34 milyones nga kontrata sa lungsod sa Sibonga, Cebu, alang sa usa ka music  festival niadtong Agosto 9, 2025.

Kini tungod kay ang maong mga galastohan giapil sa usa ka pamaagi sa pagpamalit nga gitagana alang sa artistic ug creative services.

Sa tinuig nga audit report, giingon sa COA nga ang mga galastohan naglakip sa lights and sounds, barricades, LED walls, bleachers, portable toilets, accommodation ug logistics.

Matud sa mga auditor, ang maong mga butang ug serbisyo mahimong mapalit o ma-hire sa open market ug dili kinahanglan nga iapil sa kontrata alang sa artistic work.

Ang kontrata nga nagkantidad og P3.34 milyones gitagana alang sa artistic work, event organizing ug entertainment. Ang approved budget niini mikabat sa P3.35 milyones.

Pinaagi sa Resolution No. 429-25 nga giaprobahan niadtong Hulyo 28, 2025, girekomendar sa Bids and Awards Committee (BAC) ang negotiated procurement ubos sa probisyon alang sa scientific, scholarly o artistic work, exclusive technology ug media services.

Gihatag ang Notice of Award niadtong Hulyo 31, 2025, samtang gipirmahan ang Memorandum of Agreement niadtong Agosto 4, 2025.

Gipasabot sa mga auditor nga ang pagbulag sa maong mga galastohan gikan sa artistic services unta makahatag sa gobyerno og oportunidad nga makakuha og mas paborableng presyo pinaagi sa ubang kompetitibong pamaagi sa pagpamalit.

Gawas sa procurement method, namatikdan usab sa COA ang posibleng pagdoble sa pipila ka deliverables sa kontrata.

Matud sa audit team, ang lodging alang sa performers ug guests, transportasyon ug sanitation nga gilista ubos sa accommodation and logistics posibleng nasakop na sa ubang items sa kontrata.

Gipunting usab sa COA nga wala makapresentar ang event management service providers og pamatuod sa ilang teknikal nga kapasidad sa paghatag sa medical ug emergency support services nga gilakip sa kontrata.

Sa ilang tubag, gipatin-aw sa BAC nga gikonsiderar sa munisipyo ang kinaiya ug artistic requirements sa kalihokan sa pagtino sa mga serbisyo nga gikinahanglan.

Matud sa komite, bisan og ang lights and sounds, barricades, LED walls, bleachers, portable toilets, accommodation ug logistics dili dayon makita nga mga serbisyo nga nagkinahanglan og espesyal nga artistic skills, giisip nilang angay nga ang mga artist maoy mohan-ay sa nagkalainlaing elemento sa event environment aron masiguro ang maayong performance.

COA

  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with