Lingatong ug sa bungtod ako nakapatong
MGA LAMAS SA KINABUHI - Fr. Rey Cui (Banat) - September 10, 2019 - 12:00am

Natahasan ako nga mosaulog sa Santos nga Misa sa Lingatong Alegria. Dunay nakaingon nga mas labing maayo kuno nga adto mi agi sa Nug-as aron sa ingon molahos ra ang multicab sa kapilya mismo ug kay wa man masuheto mao nga nisunod lamang ako sa dakong pagtuo. Apan unsang pagka unsaa ang among naadto Lingatong 2 ug ang nagsaulog sa pangilin ang Lingatong 1! mao nga milakaw lamang kami sa tumang pagpailob maadto lamang ang maong dapit nga nagkinahanglan niini agig pagpasidungog kang Senyor San Roque ilang patron.

Taliwala sa maong makutas nga panaw sa pagtuo dunay mga butang nga akong nakaplagan. Una, ang dalan nga gisubay tadlas sa daghang kabukiran, malisud man tuod apan puno sa katahum. Way bisan unsa nga adunahan ang makahupot sa maong mga maanindot nga mga talan-awon. Kini tungod kay ang maong talan-awon arang nindota nga bisan gani si Haring Solomon ang wa makahupot niini. Sa ato pa diay ang proseso sa panaw sa pagtuo malangay man o malisud ang makahatag sa gihapon og kaanindot ug inspirasyon.  Ikaduha, ang mga tawo nga nahimong mapasalamaton sa imong sakripisyo ang maantusong nagpaabot sa imong pag-abot. Butang nga nakatudlo nako sa dakong bili sa pagpailob usab kun ugaling kaubanan ko ang malangay usab. Ikatulo, ang maong kasinatian nagtudlo nako sa bili sa pag enjoy kun unsay naa ug kun unsay ikadalit sa kasamtangan nga sa ato pa, ayaw pangita og taxi kun ang ikatanyag mao lamang ang habal habal.

Tinuod na late ko sa sunod nga schedule apan ang maong pagka uwahi naghatag man nako og kahigayonan nga makighimamat og mga bag-ong mga higala diha sa kadalanan nga sama kanako ang nangita usab og kahulogan sa ilang kinabuhi kang kansang pagbaktas usahay makutas apan kuyog sa maong makutas nga panaw mao man ang pagkahilis sa wala kinahanglanang mga tambok sa mga pagbating samaran nga magdala kanato og sakit dili lang sa lawas kondili usab sa kalag….ug sa bungtod nakapatong nga maoy simbolo sa mahilumong pakigharong sa Diosnong Katahum.

LINGATONG ALEGRIA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with