Unsa pa kahay ubang gitagoan
ARANGKADA - Leo Lastimosa (Banat) - September 10, 2019 - 12:00am

Sa kataposan gipahibawo na gyud ni Agriculture Secretary William Dar gahapon, Septiyembre 9, ang kasayuran nga iyang nadawat niadto pang Miyerkules, Septiyembre 4: Nga nakit-an ang kagaw sa African Swine Flu (ASF) sa blood samples sa 16 sa 20 ka baboy nga nangamatay sa Luzon.

Lisod sabton ang pagtago ni Dar sa mahinungdanon nga kasayuran sud sa lima ka adlaw atubangan sa dinaliang panginahanglan paghatag sa katawhan sa labing tukma nga kasayuran nga maka-andam nila sa pagtabang pagpanagang sa ASF.

* * *

Apan ang pagtuyo og langay ni Dar sa pag-angkon sa ilang kapakyas pagpanalipod sa Pilipinas gikan sa kalibotanong hulga sa ASF mao lang ang labing uwahi sa kuwestiyonable niyang paghikaw sa tukmang kasayuran sa sakit nga mahimong makapuo sa P200 bilyones nga industriya sa baboy sa nasud.

Nadawat ni Dar ang kasayuran nga posibleng ASF ang nakapatay sa mga baboy sa Luzon niadtong Agosto 16, adlaw’ng Biyernes.

Gitago niya ang kasayuran hangtod nga nipasidaan ang Taiwan niadtong Agosto 18, adlaw’ng Domingo, nga may gidudahan nang mga kaso na sa ASF sa Luzon ug busa bantayan nang mga mobiyahe gikan sa Pilipinas.

* * *

Kay na-unhan na man sa Taiwan napugos si Dar pag-angkon nga may gidudahan nang mga kaso sa ASF sa Pilipinas niadtong Agosto 19, adlaw’ng Lunes, apan nagdumili siya pagtino asang mga dapita nangamatay ang daghang baboy.

Apan human sa unom ka adlaw, o niadtong Agosto 25, adlaw’ng Domingo, nipasalig si Dar nga di ASF ang nitakboy sa mga baboy apan di pa niya matug-an unsay namatyan nila tungod sa kabalaka nga ma-alarma ang katawhan.

* * *

Human sa napu ka adlaw, nausab ang tuno ni Dar: Nisaad siya nga sa Biyernes (Septiyembre 6) mahibaw-an kon ASF o laing kagaw ba ang namatyan sa mga baboy sa way pagpatin-aw nganong iya nang gisalikway ang ASF sa Agosto 25 nga wa pa man diay mahuman ang laboratory tests sa ubang kanasuran.

Sa way pagpasabot nganong wa tumana ang saad pagpahibawo sa kasayuran niadtong Biyernes gahapon pa gibutyag ni Dar nga positibo sa ASF ang blood samples nga gipada sa Britanya.

May sukaranan ang kabalaka unsa pa man kahay ubang kasayuran nga gitago ni Dar gikan sa katawhan?

* * *

leolastimosa@gmail.com

AFRICAN SWINE FLU
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with