Alexa, gidepensahan; Ella, gitambagan!

CEBU, Philippines — Managlahi ang reaksyon ni Pokwang sa duha niya ka kanhi co-stars nga sila si Ella Cruz ug Alexa Miro.

Ang duha ka mga nahisgutan trending karong mga panahona ug may labot kini sa ilang koneksyon sa pamilya Marcos.

Si Ella, lakip sa pelikula nga Maid In Malacanang sa Viva Films nga maghisgot sa katapusang tulo ka mga adlaw sa pamilyang Marcos kaniadto sa palasyo. Siya maoy modala sa papel nga Irene Marcos.

Samtang si Alexa, trending sab human nisibaw ang balita nga siya maoy uyab ni Congressman Sandro Marcos, nga anak ni PBBM.

Kontrobersyal si Ella gumikan sa komento niya nga nagkanayon:  “History is like tsismis. It is filtered and dagdag na rin, so, hindi natin alam what is the real history. Andoon na iyong idea, pero may mga bias talaga. As long as we’re here, alive at may kanya-kanyang opinion, I respect everyone’s opinion.” Namahayag siya niana sa interview ni TV5 reporter MJ Marfori.

Daghang mga tawo ang nikisikisi sa maong pamahayag gumikan kay ang history nila pa gibase og panukiduki ug mga dokumento sa kamatuoran, samtang ang tsismis, opinion lamang, busa dako kaayo og kalainan.

Daghan ang nitambag kang Ella nga magmatngon. May mga nitambag sab niya nga inay magpunay og tiktok, magtuon ug magbasa aron dili magpataka og yawit.

Usa sa mga nadismaya sa pamahayag ni Ella si Pokwang nga nagkanayon: “nak Ella Cruz tanggap ko pananaw mo sa politika at respeto ko ang sino man sinuportahan mo. pero sa usaping HISTORY, di ako sasang ayon sayo nak dahil mali! maling mali…mabuti pang ibalik na kitang muli sa dagat nak mayaman sa iodine ang dagat nakakatalino daw yan #Aryana”

Si Pokwang ang nidala isip inahan ni Ella sa ABS-CBN pantaserye nga Aryana niadtong May 2012-January 2013, diin ang nauwahi maoy bida.

“Sana may utak”

Samtang sa post sa PEP kabahin sa pagtambong ni Alexa sa inauguration ni Congressman Marcos sa nilabay nga semana, may netizen nga nikomentaryo og, “sana may utak.”

Dinhi ni-react si Pokwang isip pagdepensa kang Alexa: “Hello po mawalang galang na po sa inyo po pero kilala kopo ang batang yan nakatrabaho kopo ng halos isang taon tatlong beses sa isang linggo…

“At masasabi ko matalino at mabait na bata po si alexa sana maging happy nalang po tayo sa salitang PAG IBIG [heart emoji] God bless ingat lagi.”

Nagkatrabaho sila si Pokwang ug Alexa sa TV5 game show nga Fill In The Bank niadtong August 2020 hangtud March 2021.

Walay pugong-pugong

Suma pa sa mga nakakita sa unedited version sa Scorpio Nights 3, gilabwan ni Christine Bermas ang mga unang bida maong Peque Gallaga classic nga sila si Anna Marie Gutierrez ug Joyce Jimenez. Ubos sa direksyon na karon ni Lawrence Fajardo, labihan matud pa ka daring ni Christine niining maong pelikula, diin nalabwan pa niya tanang pagpa sexy nga gihimo sa mga hubadera sa VivaMax. Wala sab nagpalupig sila si Mark Anthony Fernandez ug Gold Aceron.

Naghuwat ang mga marites

Wait and see, o nagpaabot karon ang mga marites kun magkurus ba ang dalan nila ni Bea Alonzo ug Gerald Anderson nga managsama nga atua karon sa Thailand kauban ang ilang tagsa-tagsa ka mga hinigugma. Nagbakasyon karon sa Bangkok sila si Gerald ug Julia Barretto. Samtang atua sa Thailand si Bea, kauban si Dominique Roque, alang sa shooting sa us aka TV commercial.

Pang Hollywood na

Aduna matud pay himuong Hollywood movie si Andrew E. sunod tuig. Kini maoy gibutyag niya sa exclusive interview sa PEP sa nilabay nga bulan. “Side ko pa lang ang puwedeng i-reveal. Yung side ng co-producer din, hindi ko puwedeng iano. Remember, nasa Amerika ako noong December-January? Yun, nag-brainstorming kami dun. And coincidentally nung January, nag-open ako ng American office and company, BroadLive USA, para magawa ko yun. Ang office ko ay sa Glendale. Kasi, kung wala kang company, hindi mo magagawa.”

Collab na ba?

Na-excite ang fans ni James Reid human nabutyag sa nilabay nga adlaw nga atua sila karon ni Liza Soberano sa South Korea, diin nibisita sila sa opisina sa Starship Entertainment. Ang nahisgutan mao ang talent agency nga nagduma sa Korean acts sama sa Monsta X, IVE, ug WJSN. May mga fans sab nga niingon nga halinon ang dagway ni Liza sa Korea, busa aduna siya'y kahigayonan nga mosikat didto kun ugaling makamugna gyud siya og project sa nahisgutang nasud. May mga nibilib sab kang James, isip manager sa Careless Music kay naningkamot gyud matud pa ug may koneksyon gyud sa international entertainment scene.

Peace and Healing

"I choose silence for my peace and healing." Kana maoy caption ni Maureen Wroblewitz niining maong hulagway nga gi-upload niya sa Instagram tulo ka adlaw na ang nilabay. Ang mga marites nagtuo nga daw maayo kini ang pamaagi ni Maureen nga maka move on human sa break-up nila ni JK Labajo.