Wala pay playdate

CEBU, Philippines — Gitimbangtimbang pa kanus-a ug asa ipasalida ang pelikula nga “Expensive Candy” nga gibituonan ni Julia Barretto. Kini suma pa sa director sa pelikula nga si JP Laxamana. Ang mga nakakita na og pipila ka eksena sa maong pelikula nideklara nga dako og posibilidad nga makadawat og acting award si Julia pinaagi niining maong pelikula. Si Julia sab niingon nga lahi kini sa tanan na niyang mga nahimo nga proyekto. Commercial sex worker ang iyang role niining maong pelikula. Si Carlo Aquino ang iyang leading man.

Mga Yaya

Pasok sila si Rabiya Matteo, Carla Abellana ug Glaiza de Castro sa finally week sa GMA7 series nga First Lady. Modala sila sa papel nga mga bag-ong yaya sa Malacañang. Karong gabii na mahuman ang nahisgutan nga romantic-comedy series nga gibituonan nila ni Sanya Lopez ug Gabby Concepcion. Ang action series nga Lolong ni Ruru Madrid maoy hulip niini sugod sa Lunes, July 4.

Enchong ug Alexa na

Sila si Enchong Dee ug Alexa Ilacad maoy magpares sa umaabot nga project sa Anima film outfit nga mag-ulohan og Reset U/I. Suma pa, sci-fi ang genre niini nga adunay romance-comedy-drama, nga sinuwat ni Benedict Mendoza ug ipaubos sa direksyon ni JP Habac. Makauban nila ni Enchong ug Alexa sila si Iana Bernardez, Yesh Burce, Nikko Natividad, Lance Reblando, ug Nikki Valdez. Si KD Estrada ang ka loveteam ni Alexa sa bag-o lamang nahuman nga digital series, Run To Me.

Dili makatuo

Dako ang pasalamat ni Joseph Marco ngadto kang Megastar Sharon Cuneta nga naka-eksena niya sa usa sa mga episodes sa FPJ’s: Ang Probinsyano. Hangtud karon, dili siya makatuo nga naka-eksena niya si Sharon. Caption niya sa seven-minute video clip nila ni Mega:  Ang eksenang ito ay isa sa mga bagay na mahirap paniwalaan na maging totoo. Naalala ko, noong araw na nagdesisyon ako na showbiz ang gusto kong tahakin - hindi ito naging madali. madaming pagsubok, pagdududa sa sarili, rejections at kung ano ano pa. Mabuti nalang ay hindi ako sumuko sa mga pangarap ko. Sa kabila pala ng lahat ng pagsubok at paghihirap ay may kapalit na pagtupad ng mga pangarap. I am very humbled to have shared the spotlight with the one and only #Megastar. Hanggang ngayon, hindi padin ako makapaniwala na nangyari itong eksenang ito.”

Char ra man gud

May mga ni-bash sa post ni Kylie Versoza diin nagsul-ob siya og wedding gown ug may caption nga, “always the bridesmaid, never the bride.” Reaksyon sa netizens, padungogdungog kaayo si Kylie ug daw kaminyuon na gyud. Bag-ohay lamang silang nagbuwag ni Jake Cuenca human sa dul-an tulo ka tuig nga relasyon. Apan may mga nidepensa kang Kylie kay matud char char ra ni Kylie ang maong caption kay bag-ohay lamang siya nirampa sa usa ka bridal fashion show isip model.

Wala na maka-anak

Nakugang ang mga followers sa kanhi award-winning actress nga si Princess Punzalan sa iyang rebelasyon nga nagpa-abort siya sa iyang gisabak niadtong nag-edad pa lamang siya og 15-anyos. Matud pa niya sa video nga iyang gi-upload sa Instagram niining bag-o lamang, nahadlok siya sa iyang inahan kaniadto, ug niadtong tungora, dili sab andam mobarog sa iyang katungdanan ang amahan sa iyang gisabak.

Anak si Princess sa sikat nga TV personality nga si Helen Vela, kinsa host sa long-running anthology program, Lovingly Yours Helen.

Matud ni Princess, nahimong babag, ang iyang pagpa-abort kay sa paghingkod niya, dili na gyud siya makaanak.

Suma pa niya, sa edad nga 19, nakahibalag siya og lalaki nga gipakaslan siya, apan wala gyud sila makaanak hangtud nga nagbuwag sila human sa upat ka mga tuig. Wala nganli ni Princess ang kanhi niya bana, apan dayag ngadto sa publiko nga nagminyo sila ni Willie Revillame kaniadto ug nagbuwag.

Nagluha-luha ang mga mata ni Princess samtang niingon, “And then at 19, I found a guy who would marry me. For four and a half years, we tried, but I didn’t get pregnant. That marriage dissolved.”

Paglapas niya’g 30-anyos, may nahibalag si Princess nga lalaki, nga iyang naminyuan. Sulod sa usa ka dekada, nisuway sila og nagkadaiyang pamaagi aron makaanak, apan wala gyud kini itugot sa kahigayonan. Hinungdan nga nihukom sila nga magsagop og bata.

“And in my mid-30s, I found a man who would marry me and love me. We tried for 10 years to get pregnant. I didn’t get pregnant. We tried different kinds of ways to get pregnant, I didn’t. So we adopted. It was a long hard climb to finally find our match,” sigon pa sa aktres nga markado kaayo ang performance kaniadto sa ABS-CBN series nga Mula Sa Puso niadtong 1997-1999.

Mapasalamaton matud pa kaayo si Princess ngadto sa inahan sa ilang sinagop nga wala niini gipa-abort ang iyang gisabak sanglit maayo kini naghatag og kalipay ngadto kanila sa iyang bana nga si Jay Field, nga kanhi commercial attaché sa US Embassy sa Manila kaniadto.

Nag-edad na karon og otso anyos ang bata nga si Ellie. Atua na sa Michigan, USA nagbase si Princess ug ang iyang pamilya diin nagtrabaho siya isip nurse sa usa ka hospital didto.