"Hello, Searcher"

CEBU, Philippines — Ilusad sa ABS-CBN ang labing unang BL (boys love) dating show sa dili madugay, diin nagpadayon na ang audition. Kini mao ang "Hello, Searcher", usa ka digital series, diin si 2020 Miss Trans Global Mila Gabijan, maoy host.  Sa maong show,  adunay unom ka searchees, diin magtigi sila sa nagkadaiyang challenges ug games, hangtud nga usa na lang maoy winner. Si Alex Diaz, kinsa niladlad niadtong 2019 nga usa siya ka bisexual, maoy searcher.

"Productive Meeting"

Nagtagbo niadtong nilabay nga adlaw ang mga kadagkoan sa GMA Films ug ang kampo ni John Lloyd Cruz. Walay detalye unsay nakab-ot sa maong panagtagbo, gawas nga ang GMA Executive nga si Annette Gozon Valdez, ni-post nga "productive meeting", kini ug  gisukipan og smiling emoji. Kasamtangang makita si John Lloyd sa GMA7 pinaagi sa sitcom nga Happy ToGether matag Sabado. Per show contract lamang siya, sukwahi sa iyang ka loveteam kaniadto ug higala nga si Bea Alonzo nga exclusive ang kontrata sa Kapuso Network.

"Babikwooh"

Nagpalagot sa kontra ang aktor nga si Paolo Contis niadtong Domingo sa set sa All Out Sunday sa GMA7. Kini kay iyang gi-post ang iyang bawon mga rice ug adobo nga matud pa niluto ni Yen Santos. Matud ni Paolo, lami gyud siya og paniudto og may pakapin pang bashing. Nagpasalamat siya sa iyang gitawag nga "babikwooh", nga tataw nga si Yen, apan wala ni-react.

"Makukulit pa rin"

Mapasalamaton ug malipayon si Joem Bascon sa panaghigalaay nila ni Piolo Pascual. Kanunay siya itandi ngadto sa aktor kay matud pa anggid sila og dagway. “17 years-and I am happy kasi isa si Piolo doon sa mga unang nakatrabaho ko noong nag-start ako so, getting here na makatrabaho ko siya, maging barkada, maging kaibigan masayang-masaya ako, kasi alam mo ‘yon at the end of the day, kahit anong gawin namin sa set, ganito pa rin kami, makukulit pa rin kami.” Lakip si Joem sa cast sa Flower of Evil, ang Pinoy adaptation sa ABS-CBN sa nahisgutang serye, diin si Piolo ug Lovi Poe maoy mga bida.

Maintain ra

Walay epekto sa rating sa All Out Sunday ang rebelasyon ni Rita Daniela nga mabdos siya. Suma pa sa PEP, na maintain ra sa AOS ang ilang naandan nga rating nga 3.9%, subay usab sa datos sa AGB Nielsen. Samtang nakaangkon og 2.4% ang ASAP Natin ‘To, niadtong Domingo. Kahinumduman nga giangkon ni Rita ang taod-taod na nga huhungihong nga mabdos siya. Dili si Ken Chan maoy amahan sa iyang gisabak.Wala kini  nganli ni Rita.

Bridal models nga buwag na...

Naliki ang mga nisaksi sa Marry Me, ang bridal fashion show nga gipahigayon sa Marriott Hotel niadtong Sabado. Kini gumikan sa celebrity models nga lakip sa nirampa kinsa gidungog nga buwag na ug kumpirmadong natapos na ang relasyon.

Sila mao ang mga kapuso stars nga si Carla Abellana, Max Collins ug Rabiya Matteo. Si Carla, kumpirmadong buwag na sa iyang kanhi bana nga si Tom Rodriguez. Si Tom maoy nipahibawo niini semana na ang nilabay nga matud pa natapos na ang tulo ka bulan nga kaminyuon nila ni Carla dinhi sa Pilipinas.

Kini pinaagi sa divorce decree nga gisang-at ni Tom didto sa Amerika, nga matud pa niya, aduna nay finality. American citizen si Tom, busa mamahimo siyang makigdiborsyo kang Carla, bisan pa og dinhi sa nasud nahitabo ang kasal.

Si Max sab, naminyo ngadto sa kapuso star nga si Pancho Magno. Aduna silay anak. Apan dugay ra ang huhungihong nga nagbuwag na sila. Apan, maayo gihapon ang tagdanay nila sa usa’g-usa alang sa ilang anak.

Si Rabiya sab gidungog nga buwag na sa kapuso star nga si Jeric Gonzales. Marso niining tuiga sila opisyal nga niangkon sa ilang relasyon, apan sa nilabay nga semana, nabantayan sa netizens nga wala na ang ilang mga hulagway sa tagsa-tagsa nil aka IG accounts. Ang tsika sa mga marites, gi-block ni Jeric ang kanhi beauty-queen sa Instagram.

Matud pa, ang mga tawo nga nakapalibot kanila, wala na nahibulong sa giingong panagbuwag sanglit nagpunay matud pa silang nag-away niadtong sila pa. Pangabubho ang hinungdan sa ilang kanunay nga away, apan wala matribukar kinsa ang abubhuan.